Itunpeko ikastetxeetako langileen % 65etik gora greban, sindikatuen arabera
% 65etik gorakoa izan da gizarte ekimeneko euskal ikastetxe pribatuetan -ikastoletan salbu- deitutako grebaren jarraipena, ELA, Steilas, CC.OO., LAB eta UGT sindikatuen arabera. Lan-baldintzak hobetze aldera, mobilizazioak deitu dituzte gaurko eta biharko aipatu sindikatuek.
Beste alde batetik, patronalaren arabera gutxiengo batek babestu du gaurko lehen greba eguna, izan ere, jarraipena % 34koa besterik ez dela izan ziurtatu du.
Hala, greba egun honen baitan, milaka lagunek Bilboko kaleak zeharkatu dituzte "Hitzarmen berri baten alde, benetako negoziazioa orain" leloari eutsita.
Guztira, 9.000 langile inguru zeuden grebara deituta, eta 120.000 ikaslerengan izan du eragina lanuzteak.
Mobilizazioak jarraipen zabala izan duela ikusita, sindikatuak pozik azaldu dira, eta ziurtatu dute Kristau Eskolak eta AICE-IZEIk jarrera aldatzen ez badute, mobilizazioei eutsiko dietela. Hartara, litekeena da azaroan beste lau greba egun izatea: hilaren 27an, 28an, 29an eta 30ean, hain zuzen.
Ordezkapenak
Miren Zubizarreta ELAko bozeramaileak salatu duenez, zenbait ikastetxetan "greba egin duten langileak ordezkatu dituzte", horrenbestez, "greba eskubidea urratu dute". Gauzak horrela, Lan Ikuskaritzan salaketa jarriko dutela argitu du.
Era berean, ikastetxeetako beharginak zoriondu ditu grebaren jarraipena "oso handia" izan delako, "aurretik egindako lanuzteetan bezala". Alabaina, gogor kritikatu du greba deitu zutenetik eta negoziazio mahaitik altxatu zirenetik, patronalek ez dutela "mugimendurik egin".
Zubizarretak esandakoaren arabera, ikasketa-zentro batzuetan langileen % 80k egin du greba.
Lan-gatazka
Ekainean zehaztutako egutegiaren arabera, urriko bi greba egunak ez ezik, azaroaren 27an, 28an, 29an eta 29an ere egingo dute geldialdia ikastetxeetako beharginek.
Dirudienez, beraz, iaz izandako ikasturte "gatazkatsuak" ildo berari eutsiko dio udazken honetan ere. Guztira, 9.000 langileri eta 120.000 ikasleri eragingo diete mobilizazioek.
Hala, grebara batzeko gonbidapena egiteaz gain, lan baldintzen inguruko "benetako" negoziazio bat egon arte, ikastetxeetan borondatez egiten dituzten zereginetan ez parte hartzeko eskatu diete langileei.
Era berean, patronalen jarrera salatu dute, besteak beste, ez dutelako negoziazio mahairik osatu. Sindikatuen iritziz, patronalek "ez dute negoziatzeko asmorik erakutsi". Horren aurrean, "erantzukizuna” eskatu diote Eusko Jaurlaritzari, ikastetxe horien finantziazioaren parte bat publikoa baita.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.