Black Friday eguneko deskontuak, pagotxa ote?
Black Friday hitzordu garrantzitsua bilakatu da Euskal Herriko saltokientzat, bost urte eskasean. Gabonetako erosketak egun horretan hasten dira saltzaile eta erosleentzat, deskontu handien artean.
Estatu Batuetatik datorren ohitura hau ez da errentagarria denda txiki askorentzat, eta batzuek ez dute jarraituko. Hala ere, saltoki handiek eta online plataformek gorriz daukate markatuta, salmentek igo egiten dutelako.
Beherapen egun bat, asteburu luzea Cyber Monday-ra arte edota aste oso bat eskaintzen dute.
Aurtengo kanpainan, ohartarazpen argia plazaratu du FACUAk: saltoki batzuek prezioak igotzen dituzte aurreko egunetan, deskontuak puzteko. Erakundearen arabera, kontsumitzaileen % 83k uste du denda gehienek deskontu faltsuak eskaintzen dituela, hau da, saltzaileek ziria sartzen dietela kontsumitzaileei.
Horregatik, Euskal Herriko Kontsumitzaileen Batasunak merkatuko prezioak alderatzea gomendatzen du, baina ez bakarrik saltokien artekoak, baita denboraren arabera ere. Horretarako, produktuen jarraipena egiteko erreminta batzuk daude.
Azken hilabetean, hainbat produkturen salneurriak monitorizatu ditu eitb.eus-ek, nola aldatzen diren ezagutzeko, eta aurreko egunetan igotzeko tranpa erabiltzen den argitzeko. Horretarako, prezioen arrastoari jarraitzeko aukera ematen duten bi plataforma handien produktuak aukeratu ditugu —Amazon eta El Corte Ingles—, bi erremintaren bidez: Telegramen ShobyBot, prezio bat igotzen eta jaisten den bakoitzean ohartarazten duena, eta Keepa, Amazonen produktuen tracker-a. Beste plataformen prezioa jarraitzea zailagoa da, ez dagoelako aukera hori eskaintzen duten apliaziorik.
Aukeratutako produktu guztien prezioak ez dira modu berean aldatu. Kasuen erdian gutxienez, deskontuak iragarritakoak dira. Beraz, Amazonek eta El Corte Inglesek prezioak jaitsi dituzte Black Friday egunerako.
Puztutako deskontuak
Produktu salduenen artean bizitza errazago egiten dituztenak dira; janaria prestatzen edo etxea garbitzen duten robotak, kasu. Roomba xurgagailuak izango dira, ziur aski, denboraldi honetako arrakastetako bat. Horietako bi aukeratu dugu, Amazonen: iRobot Roomba 960 eta iRobot Roomba 981.
Lehenengoa 469 euroan saltzen da. 799 euro balio zuen, beraz, Amazonek ondo iragartzen duen bezala, handia da deskontua: % 41. Antzeko zerbait geratzen da beste modeloarekin: 999 eurotik 749ra pasa da, % 25eko deskontuarekin.
Hala ere, bi produktuak merkeago erosi ahal izan dira beste momentuetan. Roomba 960 modeloak 650 euroko salneurri konstantea izan du abuztutik, eta urrian 743 euro kostatzera heldu zen. Beraz, eskainitako deskontua % 27 da, gehien errepikatu den prezioarekin alderatuta.
Roomba 981, bestalde, 999 euroko prezioa izan du azken hilabeteetan, baina beste momentutan 779 euro balio izan du, Black Friday egunean baino 30 euro gehiago besterik ez.
Dyson 360 Eye xurgagailuaren kasua oso deigarria da. 815 euro balio du.. Egun batzuk lehenago, 1.210 euroko prezioa zeukan. Deskontu handia da, baina duela hilabete bat 789 euro balio zuen. Black Friday egunean baino merkeago zegoen.
LG VSR9640PS xurgagailuaren kasua arraro samarra da. Black Friday egunean erostea erabakitzen duenak 1.065 euro ordainduko ditu, eta orain dela hilabete bat 869 euroan zegoen. Salneurria igo egin da, deskonturik gabe.
Zer gertatzen da janaria prestatzen duten robotekin? Adibide bat: Kenwood kCook Multi CCL401WH. Amazonen 399 euroren truke saltzen dute, iragarritako deskontu handiarekin: % 43, 699 euro balio zuen eta. Hala ere, irailean 419 prezioa izan zuen. Azaroaren 12an igo zen, Black Friday baino hamar egun lehenago.
Igoerak aurreko egunetan
Salneurri bera dauka produktu berak El Corte Inglesen, deskontu berarekin. Urrian, hala ere, 549 euroren truke erosi ahal zen, 150 euro merkeago. Azaroaren 8an igo zen, Blay Friday baino bi aste lehenago.
Espainiako saltoki handien beste adibide bat: Samsung QE55Q6FN telebista. 999 euro balio du, eta El Corte Inglesek % 28ko beherapena iragartzen du, 1.399 eurotik. Prezio hori izan zuen azaroaren 8tik, baina lehenago merkeagoa zen: 1.189. Beraz, deskontua % 16 litzateke.
Prezio baxuagoetan ere antzeko zerbait gertatzen da. Bose SoundLink Revolve+ bozgorailu eramangarrien kasua, adibidez. 211,65 euro balio dute (% 26ko deskontua, 299 eurotik). Beste behin, azaroaren 4tik baino lehenagoko prezioa baxuagoa zen: 254 euro.
Merkatuko produktu arrakastatsuenen artean hautatu ditugu, baina lagin txiki bat baino ez da. Iragarritako deskontu batzuek benetako beherapena aipatzen dute, baina beste kasu batzuetan, ikusi dugunez, aurreko egunetan prezioak igota puzten dira. Dena kontsumitzaileak amua irents dezan.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.