2018a, urte historikoa Hego Euskal Herriko aireportuentzat
Iazkoa urte ona izan da Bilboko, Donostiako, Gasteizko eta Iruñeko aireportuentzat, historikoa kasu batzuetan. AENAk emandako datuen arabera, denek egin dute gora bidaiarien eta merkantzien —Arabakoaren kasuan— kopuruan.
Iruñeko Aireportuak izan du hazkunde handiena (% 24,1), eta Bilbokoak marka erdietsi du, 5,46 milioi bidaiarirekin (2017an baino % 10 gehiago). Merkantzien garraioan, Forondako aireportuak inoizko urte onena izan du: 62.156 tona merkantzia garraiatu ditu.
Bilboko Aireportuak 5.469.453 bidaiarirekin itxi du urtea. 1948an inauguratu zutenetik izandako marka onena lortu du aireportuak, AENAren esanetan.
Estatu barruko zein nazioarteko hegaldietan, bietan, egin du gora bidaiarien kopuruak: hurrenez hurren, 3.127.657 bidaiari (% 10,5eko igoera), eta 2.326.994 (% 9,1).
Bestalde, % 24,1eko igoerarekin itxi du urtea Iruñeko Aireportuak. Guztira, 205.503 pertsonak erabili dute Noaingo aireportua. Operazio kopuruak ere gora egin du: 6.422 mugimendu, 2017an baino % 13 gehiago.
Donostiako Aireportuak ere datu onak izan ditu. % 2,7 hazi da bidaiarien kopurua (guztira, 289.444). Dena dela, operazioek % 7,4 egin dute behera, 2017ko datuekin alderatuta. 6.415 lur hartze eta aireratze zenbatu dituzte.
Azkenik, historikoa izan da 2018a Gasteizko Aireportuarentzat: 62.156 tona mugitu ditu, 2017an baino % 2,8 gehiago.
Bidaiariei dagokienez, 140.945 lagunek erabili dituzte Forondako instalazioak, 2017an baino &% 67,3 gehiago. Operazioek ere gora egin dute: 9.755 mugimendu, % 15,6ko hazkundea.
Zure interesekoa izan daiteke
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.