2.000 pertsona baino gehiago elkartu dira Ezkerraldean Navalen itxieraren aurka
2.000 pertsona baino gehiago bildu dira arratsaldean Ezkerraldean egin den manifestazioan, Navaleko lan-erregulazioko espedientearen eta itxieraren aurka protesta egiteko. Josu Bergara, Mikel Torres, Amaia del Campo eta Aintzane Urkijo (Sestao, Portugalete, Barakaldo eta Santurtziko alkateak, hurrenez hurren) ere izan dira bertan.
'La Naval ez itxi. Gobernu zentrala-Jaurlaritza negoziazioa. Enpleguaren alde Ezkerraldean' idatzita zuen pankarta baten atzetik abiatu dira Sestaoko udaletxetik 18:00etan, Portugaletetik ibili dira gero, eta Santurtzin bukatu dute mobilizazioa, 19:30 aldera.
Ezkerraldeko familiek eta bizilagunek babestu dituzte ontziolako langileak, baita ordezkari politikoek ere. “Lehendakari, joan zu Cadizera”, “Zertarako inbertitzaile izan, Ferrolera bidaliko banaute” eta “Itxierarik eta kaleratzerik ez Navalen” oihukatu dute ibilbidean.
Naval ontziola “bideragarria” dela aldarrikatu dute langileen ordezkariek manifestazioaren amaieran, agiri bat irakurrita. Navalek “teknologia eta balio erantsi handiko ontziak eraikitzeko gaitasuna du”, esan dute. Beharginen ordezkarien ahotan, “mundu mailan lehiatu ahal izateko merkatu-hobiak daude”. “Lan, gaitasun tekniko eta profesional onagatik, armadoreen aintzatespena” jaso dutela nabarmendu dute.
Naval Izar (Navantia) enpresako ontziola publikoa zen, baina 2006an pribatizatu zutela gogorarazi dute. “Tax Leasek eragindako arazoek, kontratazio txarrek, akziodunen arazoek eta kudeaketa eskasak ekarri dute gaurko egoera”, bertan salatu dutenez.
Langileak kaleratzeko lan-erregulazioko espediente baten aurrean daudela gogorarazi dute ordezkariek: “15 egunen buruan kaleratuko gaituzte, eta behargin batzuei Navantiara joateko aukera eman digute, 100 urte baino gehiago martxan izan den ontziola ixteko”. “Navantiara alde egitea ez da konponbidea, ontziola desegitea eta Ezkerraldean enplegua deuseztatzea baizik”, ohartarazi dute.
Azkenik, langileek “esfortzu bat gehiago” eskatu dute, datorren larunbateko elkarretaratzean parte hartzeko BECen, Pedro Sanchez Espainiako Gobernuko presidentea bertan izango dela aprobetxatuz. Gobernuburua ekitaldi politiko batean izango da, eta elkarretaratzea 11:00etatik 13:00etara egingo dute.
Espainiako Exekutiboko presidenteari mezu elektroniko bat bidali diote Navaleko sindikatuek, larunbat honetan biltzea eskatzeko. Sanchezek beraiekin egoteko “minutu batzuk” hartzea espero dute beharginek.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.