Gipuzkoako ehiztariek greba egingo dute ehizarako hitzarmena berritzea eskatzeko
Gipuzkoako ehiztariek greba mugagabea egingo dute bihartik (larunbata) aurrera; Espainiako Estatuan ehiztariek egiten duten lehen greba izango da. Grebak animalia handien (basurdeak eta orkatzak) ehizari eragingo dio gehien bat; eta, ondorioak izango ditu basurdeen hazkundearen kontrolean.
Gipuzkoako Ehiza Federakuntzak prentsa ohar bidez jakinarazi duenez, lau urte daramate ehizarako hitzarmenik gabe, eta, horrek jarduerarengan "ondorio larriak" ekarri ditzakeela kritikatu dute. Ondorio horietako bat, esaterako, "basurdeek eragindako kalteak direla eta ordainak jasotzeko ezintasuna eta, hortaz, baserritarriei eragindako kalteak daude".
Ehiztariak "mugaraino heldu direla" esan du Federakuntzak eta grebaren ondorioak deitoratu dituzte; horrenbestez, administrazio ezberdinen "geldotasunaren eta utzikeriaren" aurrean "azken neurria" hartu dutela azpimarratu dute.
Bestalde, armen araudian Estatuan "atzerakada izugarria izan dela" kexatu dira; araudi horrek "ehiztarien % 20 etxean utziko baititu". Kirol legea ere kritikatu dute, "animaliak babesteko asmoz geure kirol modalitateak bertan behera utzi nahi dituelako".
2018ko apirilaren 15ean ehiztarien federakuntzek manifestazioa egin zuten Donostian; urtebetera euren aldarrikapenak "bere horretan jarraitzeaz gain, egoerak larrira jo duela" salatu dute.
Basurdeen kontrolari eragingo dio grebak
Federakuntzaren esanetan, "basurdeen kopurua kontrolatzeko modu bakarra da ehiza". Ildo horretan, basurdeek Espainian arazo larriak sortzen dituztela salatu dute; esaterako, zirkulazio-istripuak edo hondamendiak uzteetan.
Ildo horretan, basurdeen kopuru handiegiek "Ekialdeko Europan zein Erdialdeko Europan osasun krisia eragin dutela eta txerrien izurria Bel0gika eta Frantzia arteko mugara heldu dela" azaldu dute.
Ulia mendatean ehiza egiteko debekua
Bestalde, Ulia mendian (Donostia eta Pasaia artean) ehiza egiteko debekuaren harira, Auzitegi Gorenak debeku hori legez kanpo utzi duela azaldu dute, baina Gipuzkoako Foru Aldundiak epaia alde batera utzi eta arau berri bat atera duela esan dute. Horrenbestez, Gipuzkoako Ehiza Federakuntzak araudi berri hori errekurritu behar izan duela esan du, "horrek dakarren kalte ekonomikoak kontuan hartuta".
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.