Auto elektrikoa sei minutuan birkargatu daiteke jada Lopidako zerbitzugune batean
Gaurtik aurrera ibilgailu elektrikoak ultrarin birkargatzeko gune bat dago Lopidako (Araba) gasolindegi batean. Zortzi euroren truke, sei minutuan 150-200 kilometroko autonomia eskuratuko dute ibilgailuek.
Lopidakoa karga azkarreko lehen postua da Espainiako Estatuan, eta Europako hegoaldean zabaltzen duten lehenetarikoa. Guneak 700 kilowatteko gehienezko potentzia du, lau zutoinetan banatu ahal dena, ibilgailuen bateria ahalmenaren arabera. Hortaz, aldi berean bi auto edo lau kargatzeko aukera ematen du, hurrenez hurren, 350 eta 175 kilowattekin.
Gaur goizean inauguratu dute gunea. Ibil izeneko enpresak (Repsol eta EVE Energiaren Euskal Erakundeak bultzatutakoa) milioi erdi euro inbertitu du. Lopidako zerbitzugune horrek duen kokalekuarengatik aukeratu dute. Izan ere, leku estrategikoan dago: Frantziatik 130 kilometrora eta Madriletik 330era. Hala, birkarga bakarrarekin egin daiteke bi estatuen arteko ibilbidea.
Europako proiektu bati esker jarri dute Lopidako gune hori. Guztira, mota horretako 14 kargagune jarriko dituzte Europan; lau, Espainiako Estatuan. Gainerakoak A-1ean (Madril-Irun) eta A2-an (Madril-La Junquera) paratuko dituzte, tartean bat Ugaldebietan (Bizkaia).
Kargagune horiek edozein auto elektriko hornitzeko aukera ematen dute, Combo CCS (350 kilowatteraino) eta CHadeMo (gehienez 100 kilowatt) motako konektoreak baitituzte.
Tapia, adierazpenak egiten. Argazkia: Irekia
Tapiak trantsizio 'ordenatu eta errealista" baten alde egin du
Lopidako birkarga gunearen inaugurazioan honakoak izan dira, besteak beste: Arantxa Tapia Ekonomiaren Garapena eta Azpiegitura sailburua, Josu Jon Imaz Repsoleko kontseilari delegatua, Emiliano Lopez Achurra Petronorreko presidentea, Ramiro Gonzalez Arabako ahaldun nagusia eta Gorka Urtaran Gasteizko alkatea.
Tapiak gune horren inaugurazioaren garrantzia azpimarratu eta ohartarazi du mugikortasun elektrikorako trantsizioak "antolatua eta errealista" behar duela izan, trantsizioak antolatua eta errealista izan behar duela jabetuta. "Argi utzi nahi dut aipatzen ari naizen errealismoa ez dela aitzakiatzat hartu behar erlaxatzeko eta eraldaketa honi behar duen abiadura ez emateko", gaineratu du.
Sailburuaren esanetan, "planifikazioa ezin da dekretu bidez edo erregai jakin batzuen kontra eginez burutu. Gaur egun gauzak ezin dira modu bakar batean egin".
Zure interesekoa izan daiteke
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.