Gurasotasun baimena 18 astera igotzea proposatuko die Eusko Jaurlaritzak sindikatuei
Eusko Jaurlaritzak gurasotasun baimena 18 astera igotzea proposatuko die Funtzio Publikoko Mahaiko sindikatuei, Euskal Autonomia Erkidegoko (EAE) administrazio publikoan lan egiten duten 70.000 pertsonari eragingo dien neurria lehenbailehen onartu dadin. "% 100ean ordaindutakoa eta besterenezina izango da.
Josu Erkoreka Eusko Jaurlaritzako bozeramaile eta Gobernantza Publiko eta Autogobernu sailburuak ostiral honetan iragarri duenez, Funtzio Publikoko sindikatuei gurasotasun baimen berriak "berehala" abian jartzea proposatuko die, %100ean ordainduta, EAEko administrazio publikoan lan egiten duten bikotekide bien artean transferiezinak eta parekatuak izango direnak.
Erkorerak aurreratu duenez, Eusko Jaurlaritza gurasotasun baimena 18 astekoa izan dadin lanean ari da, iaz Eusko Legebiltzarrera bidali eta oraindik izapidetzeko fasean dagoen Enplegu Publikoaren Lege Proiektuan jasotzen dena baino bi aste gehiago.
Josu Erkorekak Eusko Legebiltzarreko Kontrol Saioan aurreratu duenez, proposamen hori eramango du Funtzio Publikoaren Mahai Orokorrera, xehetasunak negoziatzeko eta sindikatuekin hitzartzeko eta, horrela, ahalik eta lasterren abian jarri ahal izateko.
Abian jarri ondoren, EAEko administrazio orokorrean, Segurtasunean, Osakidetzan, Hezkuntzan eta Justizia Administrazioan lan egiten duten 70.000 pertsona ingururengan izango du eragina neurriak.
Proposamena "hauteskunde propaganda" da sindikatuentzat
LABen ustez, Eusko Jaurlaritzak "hauteskunde propaganda egin nahi du lana eta familia bateragarri egiteko neurri berriak iragarriz". Sindikatuak adierazpen batean esan duenez, Eusko Jaurlaritzak "zaintzei duten garrantzia eman nahi badie, baimen horiek 18 astetik gora luzatzea proposatu beharko luke".
Bere ustez, iragarpenean "ez dago berritasunik mota honetako neurriei dagokienez, Estatuak ere proposatu duen bi gurasoen baimenak parekatzetik haratago".
"Bidaia honetarako Jaurlaritzak ez ditu sindikatuak behar", esan du. Sindikatuarentzat, "berdintasun politikak ez dira hauteskunde kanpainan erabili daitezkeen hitz politak".
Nota batean Euskadiko CCOOk adierazi duenez, "administrazio publiko osoko batez besteko adina 50 eta 56 artekoa dela kontuan hartuta, ez dira asko izango neurri honi onura aterako dioten pertsonak; horrek erakusten du hauteskunde kanpainan gaudela dagoeneko".
Ohartarazi dutenez, "mota honetako albisteek anabasa handia sortzen dute herritarren artean, langileen errealitatea ezagutzen ez badute", eta "berriz ematen du langile pribilegiodunak direla".
Jaurlaritzak deialdia egiten duenean, gai honi buruz hitz egiteko funtzio publikoko mahai orokorrera joango dela esan du CCOOk, baina ohartarazi du bere aldarrikapenak "18 asteko gurasoentzako baimenetik haratago" joango direla, "beste behin kendutako eta itzuli ez dituzten eskubideak berreskuratzeko beharra" eskatuz.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".