Xabi Alonsoren aurkako beste kereila bat aurkeztu dute, 572.000 euroko iruzurragatik
Fiskaltzak beste kereila bat aurkeztu du Xabi Alonso euskal futbolari ohiaren aurka; izan ere, 2013ko ekitaldian, ustez, 572.008 euroko iruzurra egin zion Ogasunari.
Hortaz, Xabi Alonsok bi kereila ditu haren aurka aurkeztuta; lehenengoan, berarentzako bost urteko kartzela-zigorra eskatu zuten, 2010ean, 2011n eta 2012an zerga-delitu bana egiteagatik, eta Ogasunari bi milioi euroko baino gehiagoko iruzurra eragiteagatik. Auzi horretan, Ogasunak futbolari ohiaren irudi-eskubideetako kontratuak ikertu zituen, xede izanik jakitea zerga-ordainketari zegokionez simulatuak ziren ala ez.
Bi kereiletan, beste bi lagun ere daude tartean: Ivan Zaldua Xabi Alonsoren zerga-aholkularia, eta Isnasi Maestre, zerga-kontsultari gisa.
Kardzali elkartea
Fiskaltzak bigarren kereila honetan jakitera eman duenez, 2009ko abuztuaren 1ean Alonsok kontratu bat sinatu zuen, eta bertan, "antza", Portugalgo Madeirako Kardzali elkarteari laga zizkion bere irudi-eskubideak; elkarte horrek zerga-salbuespena zuen bertan 2012ra arte, kontuan izanik 2001 baino lehen sortu zutela.
Kereilan adierazita dagoenez, Mastrek bideratu zuen operazioa; bera zen, 2014ra arte, Kardzaliko administratzailea. Beste 23 elkarteko administratzailea zen Maestre, eta bazekien Xabi Alonsorekin adostutakoaren helburua zela "zerga batzuk ez ordaintzea".
Kereilaren arabera, Zalduak planifikatu zuen operazioa, eta Zalduak bazekien Alonsok aukera izango zuela zerga batzuk ez ordaintzeko; hain zuzen ere, jokalariaren irudia ustiatzeagatik ondorioztatzeko etekinen zergak ez ordaintzeko aukera.
2013tik, Espainian zerga-egoiliar
2009an, Real Madrilekin kontratua sinatu ostean, Alonsok helbide berria izan zuen: "2013ko ekitaldian, Xabi Alonso Espainian zen zerga-egoiliarra, Madrilen zuen zerga-egoitza, eta bertan zituen zerga-obligazio guztiak".
Dena den, Fiskaltzak zehazten duenez, "legez kontrako zerga-onura lortzeko asmoz", futbolari ohiak, errentaren aitorpena egin zuenean, ez zuen deklaratu irudi-eskubideak ustiatu izatearekin lotutako etekinik; izan ere, "Kardzali elkarteaz eta ustez eskubide horiek lagatuta izateaz baliatu zen".
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".