Ogasuna: Bravok funtsezko rola izan zuen bere enpresak zergak Gipuzkoan ordain zitzan
Victor Bravo Gipuzkoako Ogasun buru ohi eta EAJren senatariaren kontrako epaiketaren bigarren eguna izan zen atzo Donostiako Zigor arloko 1. Epaitegian. Lekukotza garrantzitsuak entzun ziren saioan. Batetik, Espainiako Ogasuneko ikuskatzaile batek deklaratu zuen. Horren esanetan, Glass Costa Este Salou enpresa (Victor Bravo bera zen bazkide) Gipuzkoara ekartzea trikimailu hutsa izan zen, onura fiskalak lortzeko, eta Ogasunak "argi" izan zuen hori.
Zerga Kudeaketarako eskualdeko ikuskaritza buruaren ustez, Bravok "funtsezko rola" izan zuen auzi horretan. Batetik, Glass Costa Este Salouren admistratzaileari Donostiako bere etxean bizitzen utzi zion, sozietateak egoitza fiskala bertan eduki zezan eta zergak ere Gipuzkoan ordain zitzan. Ikuskatzaile horren arabera, administratzailea "Gipuzkoako edozein etxebizitzatan bizi zitekeen, baina kasualitatez, Bravoren etxera mugitu zen".
Bravo Gipuzkoako Ogasun zuzendaria zen Glass Costak lurralde horretan zergak ordaintzeari ekin zionean. Ikuskariak azpimarratu duenez, enpresa horri erregimena emateko orduan prozesu horretatik kanpo geratu behar zen Bravo, sozietate horren administratzailea "laguna" zuelako eta sozietatean bazkide zelako. Ez zuen halakorik egin, ordea.
Ikusariaren aburuz, Glass Costa sozietateko administratzaileak (enpresa Cambrillsen, Tarragonan, errotuta zegoen) ez zuen "nahikoa ezagutza" enpresaren egoitza fiskala lekualdatzeko, halako operazio bat "foru zein Espainiako zerga sistema zehatz mehatz ezagutzen duen" pertsona batek bakarrik egin dezakeela argudiatuta.
Glass Costa Este Salou enpresaren egoitza fiskala izan zen Donostiako zerga aholkularitzaren baten administratzaileak ere deklaratu zuen atzoko saioan.
Azaldu duenez, bere bulegoan 80 sozietate baino gehiago zeuden erregistratuta, gehienak "enpresa zonbiak", jardunik eta langilerik gabekoak.
Peru Bazako Eusko Jaurlaritzako Harreman Instituzionaletarako sailburuordea ere galdekatu zuten bigarren saioan. 1995 eta 2003 urteen artean, Gipuzkoako Zerga Bilketaren zuzendariordea izan zen, eta Glass Costak Gipuzkoako erregimenaren ebazpena jaso zuenean, berak sinatu zuen agindua, Victor Bravo kanpoan zegoelako. "Izapide hutsa izan zen", nabarmendu du.
Epaiketa gaur amaituko da adituen txostenarekin eta aldeen behin betiko ondorioekin.
Fiskaltzak 6 urteko kartzela-zigorra eskatu du Victor Bravorentzat, 2003an, 2004an eta 2006an Ogasunaren aurkako delituak egin izana egotzita. Horrez gain, 1,4 milioi euroko kalte-ordainak ordaintzea eskatu du. Estatuaren abokatuak —akusazio partikular gisa aurkeztu da Zerga Agentziaren izenean—, berriz, 9 urteko kartzela-zigorra eskatu du auzipetuentzat. Halaber, 1,8 milioi euroko kalte-ordainak ordaintzea galdegin du.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".