BBVAk 3.667 milioi irabazi ditu irailera arte, 2018an baino % 15,2 gutxiago
BBVAk 3.667 milioi euroko irabazi garbia izan du 2019ko lehen bederatzi hilabeteetan, hau da, urtarriletik irailera arte. 2018ko epe hori bera kontuan izanik, egoitza soziala Bilbon duen bankuak % 15,2ko beherakada izan du; izan ere, duela urtebete, balantzeak BBVA Txileren salmentaren gainbalioek sortutako eragiketa korporatiboen emaitza zuen sartuta.
BBVA Txile saldu izateak ekarri zion irabazia kenduta (2018ko uztailean gauzatu zen salmenta hori), egotzitako emaitzak % 1,2 egin du gora, % 0,5 termino konstanteetan.
Aurtengo hirugarren hiruhilekoan, bankuak izan duen irabazia 1.225 milioi eurokoa izan da; eragiketa korporatiboak kenduta, hau da, Txileko negozioaren salmentaren gainbalioa kontuan izan gabe, % 6,1 egin du gora, 2018ko hirugarren hiruhilekoaren aldean.
Hain zuzen ere, 2018ko irailaren amaieran, eragiketa hark eragindako irabaziak 633 milioi eurokoak izan ziren.
Negozio-arloei erreparatuta, 2019ko lehen bederatzi hilabeteetan, Espainiak 1.064 milioiko irabazia sortu du; AEBk, 478 milioi eurokoa; Mexikok, 1.965 milioi eurokoa; Turkiak, 380 milioi eurokoa; Hego Amerikak, 569 milioi eurokoa; eta Gainerako Eurasiak, 103 milioi eurokoa.
"Joera positiboak"
"Gure negozioan, joera positiboak sumatzen jarraitzen dugu; izan ere, hirugarren hiruhilekoan, urte arteko gure marjina garbiak % 10 egin du gora, diru-sarreren errepikapenagatik eta eraginkortasuna etengabe ari delako hobetzen. Inguru makroekonomiko korapilatsua gorabehera, negozio dibertsifikatuko gure ereduak aukera ematen digu arrisku-adierazle onak izateko, eta kapitaleko maila sendoari eusteko", nabarmendu du Onur Genç BBVAren kontseilari delegatuak.
Interesen marjina 13.475 milioi eurokoa izan da urtarriletik irailera arteko epean, hau da, 2018an baino % 6,3 gehiago, zehaztapen arruntetan (eta % 7,1 gehiago zehaztapen konstanteetan, hau da, kanbio-tasen aldakuntzak kenduta). Bankuak nabarmendu du bilakaera ona izan duela Mexikon, Hego Amerikan eta Turkian.
Egotzitako emaitzari dagokionez, BBVA Espainiarena 1.064 milioi eurokoa izan da 2019ko urtarriletik irailera arteko epean; % 2,5eko beherakada izan du 2018ko lehen bederatzi hilabeteak kontuan izanik. Hori gertatu da eragiketa finantzarioen ekarpena txikiagoa izan delako (% 62,5 txikiagoa), batez ere merkatuak 2019an izaten ari diren portaeraren ondorioz.
Albiste gehiago ekonomia
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.