BBVAk 2.442 milioi euro irabazi ditu ekainera arte, % 3,7 gutxiago
BBVk 2.442 milioi euro irabazi garbi lortu ditu ekainera arte, 2018ko datuekin alderatuta baino % 3,7 gutxiago, bankuak Balore Merkatuaren Batzorde Nazionalari asteazken honetan jakinarazi dionez.
Bigarren hiruhilekoan 1.278 milioi euro irabazi zituzten, lehen hiruhilekoan baino % 10 gehiago.
Batez ere, sarrera errepikarien hazkunde "handiari" esker lortu dituzte emaitza horiek, interesek digitu bikoitza hazi baitira eta kreditu-saneamendua txikitu baita.
"BBVAk emaitza bikainak lortu ditu 2019ko bigarren hiruhilekoan. Bestalde, errentagarritasunaren aldetik, Europako lehenen artean kokatu gara berriro eta oso dinamika onak ohartzen ditugu gure negozioan: interesen tartea % 10etik gora hazi egiten ari da eta eraginkortasunak ere hobera egin du", esan du Onur Genç BBVAko kontseilari delegatuak.
Bestalde, Jose Villarejo komisario ohiari ustez agindutako espioitza eskandaluaren harira, BBVAren emaitzetan ondoriorik ez duela izan esan du Onur Gençek; hala ere, horren inguruan albiste asko izan direla eta entitatearen ospe onari kalte egiten diotela onartu du.
"Ez dugu gustuko egunkarietako lehen orrialdean horrenbeste agertzea", gaineratu du Gençek, BBVA Cenyt enpresarekin lotzen dituen informazioen harira.
Auzitegi Nazionalak BBVA inputatu zuen joan den astelehenean, Villarejo Sacyr zelatatzeko kontratatzea egotzita. Manuel Garcia Castellon Auzitegi Nazionaleko epaileak funtzionario-eroskeria, sekretuak agerraraztea eta ustelkeria delituak leporatu dizkio BBVAri.
Zure interesekoa izan daiteke
497 milioi euro bideratuko dituzte Loiu, Foronda, Hondarribia eta Noaingo aireportuak berritzera
Aireportuen bolumena handitzea, eraginkortasuna zein segurtasuna indartzea eta zerbitzuaren kalitatea hobetzea dira helburuak.
Confebaskek ituna eskatu du Euskadiko lehiakortasuna hobetzeko
Confebaskeko presidente Tamara Yaguek Pradalesi eskatu dio herrialde-itun bat bultzatzea lehiakortasuna eraldatzeko eta erronka demografikoari eta talentu faltari aurre egiteko.
Sarriguren handitzeko planak 6.000 etxebizitza aurreikusten ditu, horietatik % 70 eta % 80 bitartean babestuak
Foru Gobernuak hirigintza planak desblokeatzeko eta arintzeko duen lan lerroari jarraikiz ari dira garatzen plana. Horrekin asmo dute "arrazoizko prezioa duten etxebizitzak eraikitzea, gizartearen beharrizanak eta eskariak kontuan izanda", nabarmendu du Chivitek.
Donostiako Udalak eguzki planta berri bat eraikiko du Martutenen, 11 udal eraikin hornitzeko
Arantzazuko Ama instalazioak urtean 90.000 kWh baino gehiago ekoitziko ditu, eta ekipamendu publikoen autokontsumoa zabalduko du, Iñigo Garcia Donostiako Ingurumen eta Hiri Mantentze eta Zerbitzuetako zinegotziak adierazi duenez.
Greban dauden Zarauzko eta Bergarako IATetako langileek salatu dutenez, "inguruko herriak kolapsatzear daude"
Duela 68 egun ELAk deitutako greban dauden IAT zentro horietako langileek. "Gatazkan esku hartzeko" eskatu diote Jaurlaritzari, "zerbitzu publikoa izanik, erantzukizuna berea ere badelako".
KPIa % 4,5eraino igo da abuztuan Euskadin eta % 4,2raino Nafarroan
Espainiar Estatuan azken 3 urteetako mailarik altuenean dago urte arteko indizea: % 4,3an. Batez ere erragaien igoerak eragin du KPI-aren gorakada. Elikagaiak eta energia kontuan hartzen ez dituen azpiko inflazioa zertxobait apaldu da; %2,9an dago.
Petrolioaren prezioak gora egiten jarraitzen du, eta Brenta 107 dolarretik gora iritsi da
Saudi Arabiako oliobide garrantzitsu bat itxi ostean, egoerak okerrera egin du, eta erregaiek ere garestitzen jarraitzen dute, litroko 1,9 euro inguruko batez besteko prezioarekin.
Oiartzunen izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.