Gasteizko lan-istripuaren aldamioak babes gabeziak zituen
Gasteizko obra batean aldamio batetik erorita hil zen langilea plataformaren albo batetik erori zen, eta haren perimetroko babesak akatsak zituela ondorioztatu du Osalanek.
Laneko Segurtasun eta Osasunerako Euskal Erakundearen iturriek azaldu dutenez, istripua gertatzen zen tokiaren lehen behaketaren arabera, aldamioak ez zuen babestuta perimetro osoa erorketak saihesteko hesiekin.
Babesa zegoen aldamioaren bi zati luzeetan, baina ez motzetan. Hortaz, aldamioaren "babes perimetralean gabeziak zeudela" azaldu dute iturriek, baina oraindik ere azken txostenaren zain egon beharko da istripuaren nondik norakoak zehazteko.
Langilea, 55 urteko igeltseroa, Olarizu etorbideko 32. zenbakian dagoen eraikin baten eraikuntzan adreiludun eskailera-zulo bat ixten ari zen, eta, horretarako, aldamio bat muntatu zuen, hiru metro inguruko altueratik lurrera erori zenean.
Juan Luis España CCOOko laneko ezbeharren arloko arduradunaren arabera, langileak denbora gutxi zeraman Arnaiz Asc 21 enpresa eraikitzailearentzat lanean.
Sindikatu horrek enpresei eta Administrazioari eskatu die "beharrezko neurriak" har ditzatela horrelako istripuak errepika ez daitezen, eta datorren asteartean Arabako patronalaren egoitzaren aurrean elkarretaratzea egingo dutela iragarri du, protesta gisa.
Lan istripuaren erantzukizunak zehaztea eskatu du LAB sindikatuak, "segurtasun neurri faltaren ondorioz gertatu delako". Hildakoaren senideei eta lagunei babesa eta elkartasuna adierazi die sindikatu abertzaleak agiri batean.
"Istripu larriaren arduradunak identifikatzea eta erantzukizunak zehaztea eskatzen dugu", adierazi du LABek.
Erakundeei eta gobernuei "ezikusiarena egiteari uzteko" eta lan osasun politikak erabat aldatzea eskatu die.
Bestalde, Gasteizko Udalak adierazpen instituzional bat onartzea nahi du EH Bilduk, "prekarietatearen aurka egitea" eskatuz, eta deitzen diren mobilizazioekin bat egiteko.
Lan osasuneko eta segurtasuneko kanpainak bultzatzen jarraitzea ezinbestekoa ikusten du EH Bilduk, baita lan arriskuen prebentziorako araudia betetzea ere, "prekarietate nabariko egoeretan batez ere".
Gainera, Elkarrekinek salatu du ez zegoela anbulantzia medikalizaturik eskuragarri hildako langilea artatzeko; izan ere, Araban anbulantzia medikalizatu bakarra dago, baina hura lurraldeko beste toki batean zegoen, larrialdi baterako. Hortaz, langilea erizaindegia duen anbulantzia batek eta lehen mailako arretako mediku batek artatu zuten.
Elkarrekinen Gasteizko Udaleko taldeak nabarmendu du lan egiteko modu hori "ez dela egokia", Arabako herritarrei ematen dieten osasun-arretan "murrizketa larria" baita.
Ohar baten bidez, Elkarrekinek salatu du egoera honek, alegia, Arabak anbulantzia medikalizatu bakarra izateak (Aiaraldeko lurraldea kenduta), "ondorio hilgarriak" ekar ditzakeela. Alderdi horrek gaitzetsi du arabarrek babes eskasa dutela, Osakidetzaren baliabideak "txarto ari direlako kudeatzen".
Hori dela eta Eusko Jaurlaritzari eskatu dio anbulantzia medikalizatuen kopurua areagotzeko, Arabako larrialdiei behar bezala aurre egiteko asmoarekin.
Elkarrekinek gogora ekarri du Munduko Osasun Erakundeak gomendatzen duela 120.000 herritarreko Aurreratutako Bizi Euskarri bat egotea. Gomendio horren aurrean, taldeak azaldu du Araban, 50 kilometroko eremuan, mota horretako anbulantzia bakarra dagoela 280.000 herritarrentzat”.
Albiste gehiago ekonomia
Serveoko langileak 22 laguni eragiten dien enplegu-erregulazioko espedientearen aurka bildu dira Basaurin
CCOOk deituta, Serveoko langileek "Bridgestoneko kaleratze ikusezinak" salatu dituzte, eta datorren astelehenean hasiko den greba mugagabea deitu dute.
Banco Sabadell erosteko eskaintza publikoa onartzeko Espainiako Gobernuaren baldintzaren aurkako helegitea aurkeztu du BBVAk Auzitegi Gorenean
Bankuak uztailaren 15ean aurkeztu zuen errekurtsoa, Espainiako Gobernuak baldintza iragarri eta hiru astera. Zehazki, hiru urteetan bi erakundeek identitate juridikoa eta ondarea bereizita mantentzera behartzen ditu Sanchezen gobernuak.
Zerga-bilketa % 9,6 igo da Euskadin 2025eko lehen seihilekoan
Hiru euskal ogasunek 11.173,7 milioi euro bildu zituzten uztailera arte, hau da, iazko aldi berean baino % 9,6 gehiago eta 983,9 milioi gehiago.
Eusko Jaurlaritzak ingurumen baimena ukatu die Balmasedako El Haya 1 eta 2 parke eolikoei
Kolitza inguruan lau aerosorgailu ezarri nahi ditu Side Recovery Systems konpainiak, baina, txostenaren arabera, eremua sai zuriaren babestokia.
KPIa hamarren bat jaitsi da Euskadin uztailean, eta % 0,2 igo Nafarroan
Urte arteko datuei dagokienez, inflazioa % 3koa da Euskadin eta % 2,7koa Nafarroan, Estatuko batez bestekoaren berdina.
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.