11.000 bizkaitarrek baino gehiagok 1.500 milioi euro dituzte atzerrian
Bizkaiko Foru Ogasunak "ahalegin berezia" egingo du 2020an atzerrian finantza kontuak dituzten zergadunen egoera fiskala egiaztatzeko; izan ere, 11.000 bizkaitarrek baino gehiagok 1.500 milioi euro dituzte 50 herrialde baino gehiagotan gordailututako kontuetan banatuta.
Bizkaiko Ogasunak zerga-administrazioen arteko zerga-informazioa trukatzeko DAC-2 zuzentarau europarraren lehen datuak (2017koak) ezagutu zituen joan den udan. Horren arabera, lurralde horretako 11.000 zergadunek baino gehiagok atzerrian dituzte finantza-kontuak, eta 1.500 milioi euroko saldoa dute guztira, Bizkaiko Ogasuneko arduradunek ostiral honetan jakitera eman dutenez.
Informazioa 50 herrialdetatik datorren arren, Suitzan bakarrik, zergadun bizkaitarrek 600 milioi euro dituzte.
Nazioarteko beste zerga-akordio batzuei esker, Bizkaiko Foru Ogasunak jakin du 400 zergadun direla finantza kontuen titularrak AEBn, baita lurralde horretako 5.500 pertsonak baino gehiagok erretiro-pentsioak kobratzen dituztela beste estatu batzuetan, eta bizkaitarrek 250 higiezin dituztela atzerriko herrialdeetan.
Datu horiek guztiak eman dituzte gaur Jose Maria Iruarrizaga Bizkaiko Ogasuneko foru diputatuak eta Iñaki Alonso Saileko zuzendari nagusiak, 2020rako Iruzur Fiskalaren aurka Borrokatzeko Plana gidatuko duten irizpideen berri emateko prentsaurrekoan.
Iruarrizagak zehaztu du beste herrialde batzuetan kontuak izateak ez duela esan nahi berez "iruzurra" dagoenik. Kontuen aitorpena eginda badago, "ez dago arazorik", argitu du.
Kontu horietan ez ezik, 2020an Bizkaian Iruzur Fiskalaren aurka Borrokatzeko Planak "sakondu" egingo du nazioartekotutako enpresa-taldeen gaineko kontrolean, "nazioarteko hitzarmenen abusuaren bidez edo eragiketen balorazio eta lokalizazioaren bidez egindako zerga-ihesaren jardunbideak bereziki jazartzeko, lurralde horretan zerga-ordainketa murrizte aldera".
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.