Bizkaiko kiroldegietan greban jarraituko du ELAk, Cebeken proposamena baztertu ostean
Bizkaiko kiroldegietan datozen egunetarako aurreikusita dauden lanuzteei eustea erabaki du ELA sindikatuak, Cebek patronalak aurkeztutako proposamena nahikoa ez dela iritzita, "ez dituelako jasotzen sektorearentzat funtsezkoak diren aldarrikapenak".
Hori dela eta, beste proposamen bat egin du sindikatuak, eta atzo arratsaldean egindako bileretan eztabaidatu zuten horren edukia, langileen iritzia jakiteko asmoz. Hala, batzarrean parte hartu zuten beharginek, aste honetarako eta otsailaren 4, 5, eta 6rako deitutako grebarekin jarraitzea erabaki zuten.
Gainerako sindikatuak, ordea, alde batera utzi dituzte mobilizazioak gehiengoa duten lantokietan, eta langileek patronalaren proposamena babesten duten edo ez jakiteko egingo dituzten galdeketen emaitzen zain daude.
ELAren ustez, negoziazio-mahaian eman diren urratsak ez dira nahikoak, eta, "hala berretsi dute langileek batzarrean". Izan ere, hilabeteak daramatzate jada euren hitzarmena "zaharkitua" geratu dela eta "gaur egungo errealitatera egokitzeko beharra" dutela esaten.
Urtarrilaren 9an Cebekekin izandako azken bileraren ostean, CCOO, UGT eta LAB sindikatuek lanuzteak bertan behera uztea erabaki zuten, eta langileei dei egin zieten patronalaren proposamena "nahikoa" iruditzen bazaie, euren lantokietan batzarrean bozka dezaten.
Dena dela, ELAren ustez, "batzarretan gehiengoz erabaki zen enpresa-proposamena ez onartzea, oraindik negoziazioaren hainbat puntutan hobetzeko aukera dagoelako eta, gainera, patronalaren eskaintzan funtsezko alderdiak falta direlako".
Bizkaiko kirol lokal eta zelaietako langileek, besteak beste, honako hobekuntza hauek eskatzen dituzte: hitzarmena berritzea, 35 orduko lanaldia, soldata-igoera (KPIaren gainetik), eskolak eta ikastaroak prestatzeko orduak, ikasle eta erabiltzaileen ratioa murriztea, batez beste 1.200 euroko soldata eta 60 minutu gisa zenbatzen diren 50 minutuko eskola-orduak.
Zure interesekoa izan daiteke
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.