Zordun ahulenek bihartik aurrera eska dezakete hipoteken ordainketa atzeratzea
Koronabirusaren ondorioz ahultasun ekonomikoan dauden hipotekadunek etxeko hipotekaren ordainketa atzeratzea eskatu ahal izango dute bihartik aurrera, eta neurria indarrean egongo da koronabirusari aurre egiteko ezarritako alarma egoera amaitu eta 15 egunera arte. Bien bitartean, banketxeak bi asteko epea izango du eskaera jasotzen duenetik neurria indarrean jartzeko.
Horixe jasotzen du Espainiako Gobernuak onartutako errege dekretuak, gaur Estatuko Aldizkari Ofizialean argitaratu dutenak.
Gainera, errege dekretuaren epea amaitu eta 15 egunera arteko edukiko du zordunak eskaera egiteko. Hau da, oraingoz, maiatzaren 3ra arteko epea izango du, baina baliteke alarma egoeraren iraupena luzeagoa izatea.
Baldintzak
Zordunek ahultasun ekonomiko egoera egiaztatu beharko dute banketxearen aurrean. Hala, langabeek diru-laguntzen egiaztagiria erakutsi beharko dute, hilean jasotzen dutena jakinarazteko; eta autonomoen kasuan Zerga Agentziaren egiaztagiria erakutsi beharko dute.
Era berean, etxebizitzan diren pertsona kopurua zein den erakusteko, familia liburua edo izatezko bikoteen agiria aurkeztu beharko dute; errolda agiria, une horretakoa eta aurreko sei hilabetekoa; eta ezgaitasunen bat izanez gero, hori erakusten duen dokumentua.
Ahultasun ekonomiko egoeraren barruan sartzeko balizko egoeren artean, koronabirusaren ondorioz langabezian dauden pertsonak daude, edo horren ondorioz diru-sarreren galera handiak izan dituzten enpresari edo profesionalak. Era berean, diru-sarrera muga jakin batzuk gainditzen ez dituzten familiak sartuko dira.
Hala, orokorrean, muga hamalau ordainketako Ondorio Askotarako Errenta-Adierazle Publikoaren (7.519,59) hirukoitza da, eta muga handitu egiten da seme-alabak edo 65 urtetik gorako pertsonak ardurapean izanez gero.
Zordunek edo zordunen ardurapean dauden pertsonek ezgaitasunen bat edukitzea ere hartuko da kontuan.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.