Espainiako Gobernuak aitortu du Txinan erosi dituen test azkarrek akatsak dituztela
Espainiako Gobernuak aitortu du Txinan erositako 9.000 test azkar bueltatu egin behar izan dituela, behar bezala funtzionatzen ez zutela egiaztatu eta gero.
Osasun Ministerioak esan du test horiek "konfiantzazko" hornitzaile espainiar baten bidez eskuratu zituela eta homologatuta zeudela. Hortaz, arduragabekeriaz jokatu izana ukatu du.
Salvador Illa Osasun ministroak agerraldia egin du Diputatuen Kongresuko batzordean gai honi buruzko azalpenak emateko. Hornidura falta munduko arazoa dela eta non erosten den kontu handiz aztertu behar dela esan du, "merkatua gainezka eta zoratuta dagoelako une honetan".
Espainiako Gobernuak atzo jakinarazi zuenez, 585 milioi maskara, 11 milioi eskularru, 5,5 milioi test azkar eta 1.114 arnasgailu erosi dizkio Txinari.
Txinak dio ezin duela produktu guztien kalitatea bermatu
Polemika honen harira, Txinako Gobernuak adierazi du "merkatua handiegia" dela dena ikuskatzeko eta, ondorioz, ziurtagiri ofizialak dituzten produktuen kalitatea soilik bermatu dezakeela azpimarratu du.
Wang Xialong Nazioarteko Ekonomia Gaietarako zuzendari nagusiak esan du Txinako hainbat enpresa ikuskatu dituztela eta merkatuan egoteko kalitate baldintzak betetzen dituztela ziurtatu du. Edonola ere, "guk ez dizkiogu esportazioari mugarik jartzen eta gainerako herrialdeetako enpresak edonori erosteko libre dira", erantsi du.
Txinako Enbaxada, berriz, harago joan da eta Espainiako Gobernuari test azkarrak saldu zizkion enpresak horretarako baimenik ez zeukala ohartarazi du.
Sare sozialetan zabaldutako mezu batean azaldu duenez, Txinako Merkataritza Ministerioak hornitzaileen zerrenda bat bidali zion Espainiako Gobernuari, eta hor ez zen Shenzhen Bioeasy Biotechnology konpainia agertzen.
Horrez gain, Espainiako Osasun Ministerioak erositako materiala oraindik bidaltzear dagoela zehaztu du.
Albiste gehiago ekonomia
Nekazaritzako zenbait lan aldi baterako debekatu dituzte Nafarroan, sute arriskuaren aurrean
Horrela, Nafarroako lurralde osoan, debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak sor baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.