Oinarrizko zerbitzuetako langileentzako testak eta librantzak eskatu ditu LABek

Alor horretako langileak "segurtasun neurri gutxirekin" aritu direla salatu du, eta, "zenbait lekutan egoerak hobera egin duen arren, gabezia nabarmenak" daudela esan dute.

Mediku batzuk, ospitale batean lanean. Argazkia: Efe.

Agentziak | Erredakzioa

2020/04/23 - 13:36

Azken eguneratzea

2020/04/23 - 13:36

LAB sindikatuak ordaindutako lau eguneko baimena eskatu die gobernuei eta patronalari oinarrizko zerbitzuetako langileentzat, azken egunetan izan duten lan-karga handiagatik. Halaber, langile horiei guztiei testak egiteko eskatu du, COVID-19a harrapatu duten ala ez jakiteko.

Ohar batean azaldu dutenez, eta 40 eguneko konfinamenduaren ostean, "oinarrizko zerbitzuetako profesionalak duten guztia ematen ari dira", "inoiz baino gogorrago lanean ari dira eta, aldi berean, euren osasuna egunero arriskuan jartzen ari dira".

Euskal sindikatuak salatu duenez, langileek "babeserako neurri eta baliabide gutxi" izan dituzte, eta egoerak "zenbait lekutan" hobera egin duen arren, oraindik "gabezia nabarmenak" daude. Anbulantzietan, adibidez, "desinfektatzeko ekipamenduak falta dira"; supermerkatuetan maskarak berrerabiltzen ari dira; "garbiketako profesionalei betaurrekoak eta babeserako jantziak falta zaizkie, Ikuskaritzak horiek izateko agindua eman duen arren", eta "garraiolariak lana erritmo oso altuan egiten ari dira".

LABen arabera, "alor horietako langileei ez zaizkie testak egin", eta "beharrezkoa da guztion bizitzak zaintzen dituzten langileen osasuna zein den jakitea". Ondorioz, gobernuei eta patronalei eskatu die "konfinamendu osoan oinarrizko zerbitzuetan lanean ari direnek testak egiteko lehentasuna izatea".

"Zama ez da txaloekin bakarrik arinduko"

Bestalde, "langileen zama txaloekin bakarrik ez da arintzen", azpimarratu du, eta "estres handia, kutsatzeko beldurra eta zama psikologiko handia dute", gaineratu du. Hori dela eta, "hilean ordaindutako lau eguneko baimena hartzeko aukera izatea" eskatu dute, "egiten ari diren lan handiaz atseden hartzeko aukera izan dezaten".

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.

Albiste gehiago ekonomia

18:00 - 20:00

Greba mugagabea iragarri dute Iruñeko villavesa autobusetan uztailaren 1etik aurrera

Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.

Lan mahai bat osatu da Barrualde-Galdakao ESIko larrialdi zerbitzuaren egoera bideratzeko

Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.

Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du

Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.

Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun

Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.

Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean

Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.

Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du

Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".

GRAFCAV8905. VITORIA (ESPAÑA), 18/06/2025.- La empresa adjudicataria del mantenimiento de los jardines de Vitoria se ha visto obligada a realizar servicios mínimos tras dos meses de huelga. En la imagen uno de sus trabajadores segando el césped del parque de la Florida de Vitoria. EFE/ADRIAN RUIZ HIERRO

Gasteizko lorezainak lanera itzuli dira, gutxieneko zerbitzuak betetzeko

Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.