Etxebizitzaren inguruan eztabaidatzeko prozesu parte-hartzailea hasi du Jaurlaritzak
Eusko Jaurlaritzako Etxebizitza Sailak eztabaida prozesu irekia jarri du abian, eta bertan arlo horretan lanean ari diren 96 eragile eta erakundek hartuko dute parte, koronabirusaren krisiak arlo horretan agerian utzi dituen erronka eta beharren inguruan hausnartzeko eta "etorkizunerako irtenbideak eta ideiak" bilatzeko.
Pandemiak, osasun, ekonomia eta gizarte arloko ondorioak direla eta, agerian utzi du "etxebizitza duin eta egoki bat edukitzea are premia larriagoa bihurtzen dela jendeak konfinatuta egon behar duenean", adierazi du Iñaki Arriola Ingurumen, Lurralde Plangintza eta Etxebizitza sailburuak.
Hori dela eta, "esperientziatik atera behar diren etorkizuneko irakaspenak eta ildoak modu kolaboratiboan identifikatzeko eztabaida zabal bat" planteatzea erabaki du, "etxebizitza politika zehatzak aurkezteko".
Prozesu horren helburua da eragile instituzional, ekonomiko eta sozialekin "epe labur, ertain eta luzerako eragina duten konponbideak" adostea, etxebizitzaren arloan Ekonomia eta Gizartea Suspertzeko Plana eta Eusko Jaurlaritzak 2021-2023 Etxebizitza Plan Zuzentzaile berrira eramango duen "ibilbide-orria" sortzea.
"Babes sozial handia duten etorkizuneko proposamen" horiek bilatzean, etxebizitza "benetan eskuratzeko" eta eraikuntzaren sektorea suspertzeko esparruak biltzen dira, ekonomiari eta enplegua sortzeari dagokienez, eta arreta berezia jartzen da alokairurako babes ofizialeko etxebizitzen sustapenean eta birgaitze integralean.
Prozesua duela gutxi hasi da, eta bere lehen fasean dago. Horretarako, pandemiaren erronkei etxebizitzaren esparrutik aurre egiteko proiektuen eta neurrien proposamenak jasotzeko galdetegi ireki bat zabaldu da.
Jasotzen diren ekarpenak hurrengo faserako abiapuntu gisa balioko dute, eta fase horretan hainbat lantegi egingo dituzte. Proiektu garrantzitsuenak identifikatu ondoren, sorkuntza eta identifikazio lantegi batzuk zehaztuko dira. Horietan, beren profila dela eta, ekimenera gehien egokitzen diren eragileek parte hartuko dute, "horrela proiektu partekatuak eta eragin handikoak jarriko dira martxan", azaldu du Arriolak.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.