Bizitzeko gutxieneko diru-sarrera eskatzeko epea, irekita

Diru-sarrerak bermatzeko errenta jasotzen dutenek ez dute izapiderik egin beharko; gainerakoek Lanbideren bidez egingo dute EAEn, eta Gizarte Segurantzan, Nafarroan (udazkenean izango du eskumena).

LANBIDE Langabezia paro EFE — Lanbideren bulegoa. Argazkia: Efe

agentziak | erredakzioa

2020/06/15 - 11:42

Azken eguneratzea

2020/06/15 - 11:50

Bizitzeko gutxieneko diru-sarrera eskatzeko epea ireki dute astelehen honetan, ekainaren 15ean. Espainiako Gobernuak "pobrezia eta bazterkeria mailak murrizteko" onartu duen dirulaguntza berria da.

Diru-sarrerak bermatzeko errenta jasotzen dutenek ez dute izapiderik egin beharko, eta gainerakoek Lanbideren bidez egin beharko dute eskaria EAEn, eta Gizarte Segurantzaren bulegoetan, Nafarroan (udazkenean jasoko du eskumena).

Lehenengo hiru hilabeteetan onartzen diren eskaerek atzeraeraginez jasoko dute laguntza, ekainaren 1eko datarekin. Epe horren ostean, eskaera egin osteko hilabetean hasiko dira laguntza ematen.

Baldintzak

Gizarte Segurantzaren webgunean dagoen simulazio tresna baten bitartez, dirulaguntza jasotzeko baldintzak betetzen diren jakin daiteke, eta telefono zenbaki bat ere jarri dute martxan (900 20 22 22) galdera zehatzak argitzeko.

Bizitzeko gutxieneko diru-sarrerak errenta bat bermatzen du etxe bakoitzerako, eta aurretik daudenak osatuko ditu (tartean, soldatak). Pertsona bakarreko etxeetarako 5.538koa izango da gutxieneko errenta, eta bizitzeko gutxieneko diru-sarrerak kopuru horretara iristeko laguntza emango du.

Eskakizunak

Ekonomikoki egoera ahulean egotea izango da laguntza jasotzeko lehenengo baldintza. Orain arte jaso ahal ziren dirulaguntza eta pentsioetarako eskaerak eginak egon behar dira.

Elkarbizitza unitate bakoitza pertsona baten izenean egongo da, eta 23 eta 65 urte artean izan beharko ditu, adingabeen ardurarik ez dagoen kasuetan, horietan adina ez baita kontuan izango. Laguntza eskatzen duena bakarrik bizi bada, 3 urtez gurasoen laguntzarik gabe bizi dela erakutsi beharko du, eta gutxienez 12 hilabete egon beharko du Gizarte Segurantzan izena emanda.

Eskatzaileak elkarbizitza unitate berean bizi badira, elkarrekin urtebete daramatela erakutsi beharko dute laguntza eskatzeko. Eskatzaile guztiei Espainiako Estatuan urtebete jarraian bizi izana eskatuko diete, genero indarkeriaren edota sexu-esplotazioaren biktimen kasuan izan ezik.

Dirulaguntza jasotzeko, etxeko gehienezko diru-sarrera gutxienekoa baino baxuagoa izan beharko da. Gainera, pertsona bakarreko familia baten kasuan, ondarea urteko gutxieneko errentaren hirukoitza baino txikiagoa izan beharko da (etxebizitza kontuan izan gabe).

Bestalde, aintzat hartuko diren diru-sarrerak aurreko urtekoak izango dira, baina COVID-19aren pandemiak eragindako egoera larriak artatzeko, 2020ko diru-sarrerak ere har daitezke kontuan. Eskatzailea langabezian badago, enplegua eskatzeko zerrendetan egotea eskatuko zaio.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak derrigorrezkoak dira garraio publikoan, baita kalean eta leku itxietan ere, bi metroko segurtasun-tartea bermatu ezin bada.

Albiste gehiago ekonomia

Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu

Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.

Rueda de prensa de los jardineros de Vitoria-Gasteiz

Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako

Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.

Zeintzuk dira BBVAren eskaintza berriaren gakoak?

Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).

Obras de construcción de la planta de Biscay Eco Aggregates en Puerto de Bilbao

REMITIDA / HANDOUT por PETRONOR

Fotografía remitida a medios de comunicación exclusivamente para ilustrar la noticia a la que hace referencia la imagen, y citando la procedencia de la imagen en la firma

22/9/2025

2026an jarriko da martxan Petronorren eta OCO Technologyren agregakin sintetikoen planta, Bilboko Portuan

Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.

BBVAk % 10 igo du Sabadell bankua eskuratzeko eskaintza

Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.

Maderas de Llodio, greba mugagabean

Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.

Multiverse computing, empresa donostiarra especializada en software cuántico e inteligencia artificial

Multiverse Computingek % 30 handituko du bere lantaldea Donostian

Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.

Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko

Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.

Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du

Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.

Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak

Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.