Siemens Gamesako kontseilari ordezkariak kargua utzi du, datu ekonomiko txarrengatik
Andreas Nauen orain arte Siemens Gamesako Offshore zerbitzuko arduraduna zenak Markus Tacke ordezkatuko du konpainiako kontseilari ordezkari gisa, hark dimisioa eman ostean. Izan ere, pandemiak eragindako krisi ekonomikoaren ondorioz konpainiaren datu ekonomiko txarrak ikusita hartu du kargua uzteko erabakia.
Enpresak Espainiako Balore Merkatuaren Batzordeari (CNMV gaztelaniazko sigletan) igorritako ohar batean azaldu duenez, Siemens Gamesako Administrazio Kontseiluak asteazkenean hartu zuen Nauen Siemens Gamesako kontseilari ordezkari berria izendatzeko erabakia, Tackek dimisioa eman ostean. "Aldez aurretik, eta Izendapenen eta Ordainsarien Batzordearen txostena esku artean izanda, kontseilari ordezkari gisa zituen eginkizunetatik kargugabetzea adostu zuten bi aldeek", gaineratu du konpainiak.
Nauen lau urtez izango da karguan, eta bere izendapena Siemens Gamesaren hurrengo Akziodunen Ohiko Batzar Orokorrean onartzea aurreikusita dago.
Konpainiak azaldu duenez, proiektuen kostuak aztertu eta COVID-19aren krisiak izango duen eragia kontuan hartuz erabaki du Markus Tacke zuen arduratik kentzea, iazko urte fiskala seguruena gorriz amaituko dela espero baitu.
Ildo horretatik, laugarren hiruhilekoan aurreratutako ustiapen-emaitza garbia (ebit) positiboa izan arren, Simens Gamesak ez du espero urte fiskal osoko bilakaera negatiboa erabat orekatzea.
"Epe laburreko erronkak gorabehera, industriaren eta konpainiaren etorkizunerako aurreikuspenak positiboak dira oraindik", gaineratu du Siemens Gamesak. Testuinguru horretan, enpresak izendatu berri duen kontseilari ordezkariak prentsaurrekoa eskainiko du gaur, osteguna, bere enpresa-estrategiari buruzko xehetasun gehiago emateko.
Siemensek 339,3 milioi euro galdu zituen bere lehen seihileko fiskalean (urria-martxoa), urtebete lehenago irabazi zituen 67 milioien aldean. Enpresaren arabera, 56 milioi euroko eragin "zuzena" izan du jada COVID-19aren krisiak (bigarren hiruhilekoan soilik).
Datozen hiruhilekoei begira, koronabirusak eragindako krisi ekonomikoaren eragin zuzena espero du konpainiak, lantegien itxieraren eta ekoizpen-prozesuetako eraginkortasun-galeraren ondorioz, Tackek berak joan den maiatzaren 6an azaldu zuenez, aurreikuspenen berri eman zuenean.
Albiste gehiago ekonomia
Nekazaritzako zenbait lan aldi baterako debekatu dituzte Nafarroan, sute arriskuaren aurrean
Horrela, Nafarroako lurralde osoan, debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak sor baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.