Berregituratzea amaitzear, Tubacexek ez du enpleguan aldaketarik egiterik baztertzen

Tubacexek galerekin amaituko du 2020a eta bere salmentak hasieran aurreikusitako 800 milioiena baino “askoz ere baxuagoak” izango dira koronabirusaren krisiaren ondorioz. Egoera horren aurrean, taldeak “egoera ekonomiko egonkorra” mantentzen badu ere, berregituratze “garrantzitsu” bat aurreikusten du eta enpleguan aldaketak egitea ez baztertzeaz gain, aurten egitea espero zituen inbertsioen erdiak atzeratu egingo ditu.

Aurreikuspen horiek Álvaro Videgainek, Tubacexeko presidenteak, eta Jesús Esmoris, kontseilari delegatuak eman dituzte ezagutaraztera Akziodunen Batzordeko prentsaurreko batean.

Agerraldi horretan 2019 urtearen balantze bat egin dute. Hizlarien arabera, ariketa hori “oso garrantzitsua” izan da hainbat urte iraundako krisi baten ondoren taldearen estrategia aurrera eramateko.  Pasa den urtean Tubacexek 614 milioiko salmentekin, 11 milioiko irabaziekin eta 67,1 milioiko Ebitdarekin itxi zuen. Hala, 2018ko ildo bera jarraitu zuen, nahiz eta Estatu Batuek Irani ezarritako zigorren ondorioz OCTGko eskaera garrantzitsu bat geldiarazi behar izan bazuen ere.

Hasiera batean, 2020 eta 2021 urteek “oso aurreikuspen onak” zituzten, “sektorearen aurrean” susperraldi garbiarekin “hainbat urteko inbertsio baxuen ostean”. Hala ere, aurreikuspen horiek guztiak bertan behera geratuko dira koronabirusaren krisiaren ondorioz, “oso eragin kaltegarria” izango baitu negozioan.

Tubacexeko presidenteak oraindik ere pandemiak enpresan izango duen eragina ez dutela ezagutzen adierazi du, taldea “geroz eta indartsuago dagoela eta arrisku berrien aurrean preparatuago” dagoela baieztatu badu ere.

Taldearen arduradunek gaineratu nahi izan dute enpresak hobekuntza handia jasan duela merkatuko posizionatzeari dagokionez, “azken erosleari gehiagotan saltzen eta balore erantsia duten premium produktu gehiago saltzen” jarduten baitute. Horrekin batera, taldeak hainbat bereganatzeren ondoren duen perimetro berriaren inguruan jardun dute, eta normaltasun egoera batean 300 milioi euroko fakturazio gehigarria eman beharko lukeela azpimarratu dute.

Enpresak 1,6 milioiko galerak izan ditu 2020ko lehen hiruhilekoan eta ordurako pandemiaren eragina “nabaria” izan dela gaineratu dute eta horren ondorioz zirkulazioko diruan 48 milioiko areagotzea eman dela adierazi dute, “kezkatzeko moduko ezer ez”.

Esmorisek aurreratu du etorkizunean datorrena “ez dela hobea izango”, eta bigarren hiruhilekoan, apirila eta maiatzeko hilabeteak “oso kaltetuak” izan direla eta eskaerak “oso baxuak” direla.

2020ko itxierari begira, aurreikuspenek 800 milioi inguruko salmentak aurreratzen zituzten, baina krisiaren ondorioz “askoz baxuagoak” izango dira eta “dudarik gabe” galerekin itxiko dute.

Esmorisek azaldu duenez, COVID-19aren krisiak “egoera guztiz aldatu du”, ez bakarrik burtsaren jaitsieragatik (%49 orain arte), negozioan izan duen “eragin nabariagatik” baizik.

Bat-bateko neurriak

Esmorisek “bat-batean” hartutako neurriak azaldu ditu, haien artean, kontseilarien eta zuzendaritza taldearen soldaten %30eko jaitsiera eta bonus eta ordainketa osagarrien deuseztapena.

Bestalde, korporazio asko irten dituztela adierazi dute, hainbat euskal enpresa haien artean, izan ere, gaur egun taldea bere ahalmenaren %50ean besterik ez da ari lanean. Hala ere, ehuneko hori fabrikaren araberakoa dela adierazi du, Indian %100ean ari baitira lanean.

Esmorisek baieztatu du ez dakiela noiz arte mantenduko diren maila horiek, baina azken hilabeteetako eskariak “nahiko eskasak” direla onartu du. Zehazki, irizpide espainiarretan ERTEak urria arte  luzatzea espero duela azaldu du, eta ez du aurreikusten neurriak “lehenago arinduko direnik”.