Abaletan 40.000 milioi euro eta beste 10.000 milioi Espainiako enpresak salbatzeko
50.000 milioi euroko neurri-sorta berria onartu du Espainiako Gobernuak, horietatik 40.000 milioi euro inbertsio proiektu berrietarako Kreditu Institutu Ofizialeko (ICO) abalak izango dira, eta beste 10.000 milioi kaudimen arazoak dituzten enpresa estrategikoak laguntzeko.
Ministroen Kontseiluak lege-dekretua onartu du ostiral honetan, enplegua eta ekonomia berriz suspertzeko premiazko neurriekin, Pedro Sanchez Espainiako gobernuburuak ostegunean iragarri bezala.
Aldez aurretik, pandemiak eragindako krisiaren ondorioak arintzeko 100.000 milioi euro ICO abal bideratu ditu Exekutiboak.
Aurrekoetan helburua enpresei likidezia ematea izan bada, oraingoan 40.000 milioi euroko abalak enpresen eta autonomoen inbertsio berriak babesteko izango dira, balio erantsirik handiena sortzen den arloetan, digitalizazioa eta jasangarritasuna ardatz.
Sindikatuekin eta patronalarekin ituna sinatu ondoren, Pedro Sanchez Espainiako gobernuburuak azaldu duenez, ICO-COVID abalekin 10.000 operazio egunean egin dira, 60.000 milioi euro baliabide martxan jarriz. Horrela, 400.000 enpresa baino gehiagoren likidezia lagundu dute, horietatik % 98 enpresa txiki eta ertainak eta autonomoak.
Espainiako Gobernuak, gaur onartutako lege-dekretuarekin, beste pauso bat eman du enpresei laguntzeko orduan, eta tresna bat sortu du, “arazo larriak” dituzten enpresei laguntza publikoa emateko.
Turismoa
Gainera, pandemiak gehien astindutako sektore bati laguntzeko neurri bereziak aurreikusi ditu lege-dekretuak: turismoa. Hipoteka ordaintzeko 12 hilabeteko luzamendua eman die enpresei, eta 216 milioi euroko programa bat martxan jarri, sektorearen digitalizazio proiektuak finantzatzeko.
Azkenik, turismo, merkataritza eta ostalaritza enpresek ez dituzte uztailetik urrira bitartean Gizarte Segurantzari egin beharreko ekarpenen % 50 egin beharko, hau da, salbuetsita egongo dira.
Albiste gehiago ekonomia
Nekazaritzako zenbait lan aldi baterako debekatu dituzte Nafarroan, sute arriskuaren aurrean
Horrela, Nafarroako lurralde osoan, debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak sor baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.