Nazioarteko Diru Funtsaren arabera, munduko aurreikuspen ekonomikoak txarrera egin du
Koroabirusaren pandemiak munduko ekonomian uste baino "eragin negatiboagoa" izan du; izan ere, 2020rako % 4,9ko uzkurtzea aurreikusten du, apirilean kalkulatutako % 3aren aurrean, eta "ondorio katastrofikoak" izango ditu enpleguan, Nazioarteko Diru Funtsak jakitera eman duenez.
"Jardueraren gainbehera sakonak hondamendia eragingo dio lan merkatu globalari", azaldu du Funtsak "aurreikuspen ekonomiko globalen" txosten eguneratuan.
Litekeena da urteko bigarren hiruhilekoan lanorduen murrizketa lanaldi osoko 300 milioi enplegu baino gehiago galtzearen parekoa izatea.
Iragarpenen zifra dramatikoak gorabehera, Nazioarteko Diru Funtsak egungo egoera berezia dela azpimarratu du, aurrekaririk gabeko krisia baita.
Erabateko ziurgabetasuna
"Herrialdeen % 75 berriro irekitzen ari dira, eta, aldi berean, pandemia areagotzen ari da sortu berri diren eta garatzen ari diren merkatu askotan. Hainbat herrialde suspertzen hasi dira. Hala ere, konponbide medikorik ezean, susperraldiaren indarra oso zalantzazkoa da, eta eragina desberdina da sektore eta merkatuetan", azpimarratu du Gita Gopinath Nazioarteko Diru Funtseko ekonomista buruak prentsaurrekoan.
Ekonomia handiei dagokienez, Txinak soilik jarraituko du tasa positiboetan, % 1eko hazkundearekin; hala ere, apirilean aurreikusitakoa baino bi hamarren gutxiago haziko da. AEBek % 8 egingo dute behera aurten, duela hiru hilabete aurreikusitako % 6,1 baino ia bi puntu gehiago. Japoniak % 5,8ko beherakada izango du, apirilean iragarritako % 5,2ko beherakadaren aurrean, eta Erresuma Batuak, aldiz, % 10,2ko beherakada izango du.
"COVID-19aren pandemiak pentsatu baino eragin negatiboagoa izan du jardueran 2020ko lehen erdian, eta susperraldia uste baino mailakatuagoa izatea aurreikusten da", adierazi du Funtsak txostenean.
Aurreikuspenen arabera, hazkunde orokorra % 5,4koa izango da 2021ean, apirilean baino lau hamarren gutxiago.
Proiekzio berrien arabera, datorren urtean AEBek % 4,8ko hazkundea izango dute; Txinak % 8,2koa; Japoniak % 2,4koa, eta Erresuma Batuak % 6,3koa.
Nazioarteko merkataritza izango da sektore kaltetuenetako bat. 2020a % 11,9ko uzkurtzearekin amaitzea espero dute, ondasun eta zerbitzuen eskaria nabarmen txikiagoa delako, turismoa barne, eta datorren urtean % 8ko gorakadarekin ixtea.
Espainiako ekonomiak atzera egingo du
Espainiako ekonomiak % 12,8 egingo du behera 2020an, koronabirusaren pandemiagatik, Nazioarteko Diru Funtsak gaur zabaldu dituen aurreikuspenen arabera; izan ere, apirileko iragarpenak 4,8 puntu egin du okerrera, eta Espainia, Italiarekin batera, herrialde aurreratuen artean posizio txarrenetan dago.
Eurogune osoari dagokionez, Funtsak okerrera egingo duela aurreikusi du, izan ere, aurten ekonomia % 10,2 jaitsiko omen da, eta, apirilean, berriz, % 7,5. Italia, % 12,8ko beherakadarekin, Espainiaren tasa berarekin kokatu da, apirileko zifra (% -9,1) berrikusi ostean.
"Ekonomia aurreratuetan, urtearen lehen erdian jarduerak kolpe sakonagoa jasan duela dirudi, konfinamendu aginduak ezarri aurretik ere. Horrek ere susperraldi mailakatuagoa iradokitzen du bigarren zatian, kutsatzeko beldurrak gure artean jarraitzea litekeena baita", adierazi du Funtsak.
Aurreikuspen berrien arabera, Frantziak ere beherakada nabarmena izango du, % -12,5ekoa aurten, apirilean baino bost puntu gutxiago, eta, Alemaniak, euroaren lehen ekonomiak, % 7,8 egingo du behera, hasiera batean kalkulatutakoa baino zortzi hamarren gehiago.
2021era begira, euroguneko susperraldia % 6,3koa izango dela iragarri du Funtsak. Espainiaren eta Italiaren kasuan, tasa berarekin egingo dute gora; Alemaniak % 5,4ko hazkundea izango du, eta, Frantziak, % 7,3koa.
Ildo horretan, "ekonomiak irekitzen diren heinean, enplegua eta enpresak babestetik susperraldia erraztera eta langileak birkokatzeko oztopoak kentzera" mugitu beharko liratekeela adierazi du Funtsak.
Eta etorkizunari buruz ohartarazi du: "Zor maila altua dela eta, zerga pizgarri handiagoa izateko gaitasuna mugatuta gera liteke, eta erronka handia izango da herrialde askorentzat".
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.