Abiadura Handiko Trenaren geltokia eraikitzen hasi dira Donostian
Gaur hasi dira Abiadura Handiko Trenaren geltokia eraikitzeko lehen lanak Donostian. Eusko Jaurlaritzak bere gain hartu ditu eraikuntza lanak,eta proiektua UTE Eptisa Cinsak firmatu du. 80,4 milioiko aurrekontua eta 42 hilabeteko egite-epea du lanetarako, eta uneoro trenbide zerbitzua bermatuko dute.
Eman beharreko lehen pausuak lanak hasteko topografia lanak egitea, hartu beharreko eremuak hesitzea eta bulegoak prestatzea da. Lanen gehiengoa trenbide eremuan egingo direnez, Donostiako bizilagunei sortutako eragozpenak mugatuak izango dira.
Eragozpen horietako bat 18 eta 24 zenbakien artean Mundaiz kalean uztaila amaiera aldera trenbidearen desbideratzeak prestatzeko egingo diren mozketa izango da. Inguru horretan obretara sarbide puntu bat kokatuko da, eta Federico García Lorca Pasealekuan eten puntualak egingo dira. Horrez gain, Auzitegietako plazaren eremu bat hartuko da, Teresa de Calcuta plazaren ondoan.
Azaroan hasiko dira Frantzia Pasealekuan, egungo geltokia eta haren ondoko hotelaren artean egingo den oinezkoentzako behin-behineko pasabidea egingo da. Egungo pasabidea 2021eko udaberritik aurrera itxi eta bota egingo dute, eta gaineko pasabide berriak ordezkatuko du. Egiako lurpeko pasabidea irekita mantenduko da ordura arte, eta pasabide berri bat eraikitzearekin batera itxiko da.
Behin trenbidea egungo terminalera bideratutakoan, Tabakalera – Egia inguruan Nestor Basterretxea plazatik sartu ahal izango den behin-behineko geltoki bat eraikiko da. Geltokiak Tabakalera eta Egia auzoak Donostiako erdigunearekin lotuko ditu; autobus geltokia, bere aldetik, AHTarekin eta gainerako trenekin lotuko ditu. Behin-behineko geltokia ez da espero 2022ko udaberria baino lehen abian jartzea.
Albiste gehiago ekonomia
Jaurlaritzak nabarmendu du turismoak % 5eko hazkunde "iraunkorra" izan duela EAEn
Daniel Solana Basquetour-Turismoaren Euskal Agentziako zuzendariak Radio Euskadin egindako elkarrizketan esan duenez, hazkundea "lasaia eta iraunkorra da, Estatuko edo Europako beste herrialde batzuetan duten masifikaziotik kanpo". 200.000 euskal herritarrek baino gehiagok EAEtik atera gabe pasa dituzte oporrak, eta Loiu-New York konexioak turista estatubatuar gehiago etortzea ekarri du.
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.