Bulegoetako 600 kartoizko manpara aldatzeko eskatu dio Lan Ikuskaritzak Lanbideri
Bizkaiko Lan Ikuskaritzak Lanbide Euskal Enplegu Zerbitzuari eskatu dio bere bulegoetan dauden 600 kartoizko alboko manpararen ordez metakrilatozko beste batzuk jartzeko, Europa Press agentziak zabaldu duenez.
Ekainaren hasieran, Lan Ikuskaritzak informazioa eskatu zion Lanbideri, koronabirusaren kutsatzeak saihesteko bere bulegoetan jarritako manparei buruz, UGTk maiatzean jarritko salaketaren ondorioz.
Lanbidek ikuskaritzari jakinarazi zion une oro lan egin dela segurtasun-distantziei eusteko; lehenik eta behin, aurrez aurrekoa ez den lanaren bidez, eta, ondoren, langileak lanean hasi zirenean, eta, manpararik ez zegoenez, neurri kolektiboak hartu ziren (txandak), bi metroko distantziari eusteko.
Ondoren, manparak instalatu ziren, zehazki, 1.100 metakrilatozko eta 600 kartoizko, ondoan lan egiten duten langileak bereizteko.
Kartoizko manpara horiek jarri ziren, nahiz eta Eusko Jaurlaritzako Administrazio Orokorreko eta Erakunde Autonomoetako Prebentzio Zerbitzuaren dokumentuaren arabera ("Administrazio Orokorreko eta Erakunde Autonomoetako lanpostuen artean jarri beharreko manpara motari buruzko azalpena"), metakritalatozko manpara bat jartzea agintzen den bi metroko distantziak gorde ezin direnean.
Dokumentu horretan bertan zehazten denez, "manpara mota horren aldeko hautua egiten da, argia errazago pasatzen delako eta gardena delako; horri esker, langileen arteko elkarrekintza hobea izango da, segurtasun osoz".
Pilar Olivas UGTko administrazio autonomikoko idazkariak Europa Press albiste agentziari egindako adierazpenetan azaldu duenez, kartoizko manpara horiek instalatu behar zirela jakin zutenean, lehenik eta behin Lanbideko eta Eusko Jaurlaritzako prebentzio zerbitzura jo zuten, manpara horiek "osasun-neurri eta gomendio guztiak urratzen" dituztelako, "Eusko Jaurlaritzarenak ez ezik".
Haren ustez, "aurrezkia langileen segurtasunaren aurretik" lehenetsi dute.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.