Tapia: "Beste itxialdi bat hilgarria litzateke eta ekonomiak ez luke jasango"
Arantxa Tapia Eusko Jaurlaritzako Ekonomiaren Garapen eta Azpiegitura sailburuak adierazi duenez, udaberrikoa bezalako itxialdi berri bat "hilgarria" izango litzateke, eta euskal ekonomiak "sufritu" ez ezik, "ia desagertu" egingo litzateke.
Tapiaren hitzetan, "birusarekin bizi eta ekonomia irekita mantentzeko" lan egin behar da. Horretarako, protokolo "zorrotzak" eta atzemate goiztiarra bermatu beharko dira, eta lantokiak "leku segurua" izatea ziurtatu beharko da, "dagoeneko posible izan den zerbait".
2021, hazkundearen urtea
Tapiak ez du baztertu EAEko ekonomiak bi digitu atzera egitea urte honen amaierarako. 2021era begira, txerto bat baino gehiago egongo direla aurreikusi du eta, beraz, "hazkunde ekonomikoaren urtea" izango dela espero du, "ez bakarrik euskal ekonomiarentzat, baita munduko ekonomiarentzat ere".
Hala ere, "gutxienez 2022a beharko dugu galdutako enplegua eta jarduera berreskuratu ahal izateko", gaineratu du.
Automobilgintzako mahaia
Sailburuak, bestalde, Espainiako Gobernuak bultzatutako Automobilgintzako mahaia berriro bildu ez izana salatu du.
Arantxa Tapiak azpimarratu du Jaurlaritzak proposamen "eraikitzailea" egin zuela alor jakin batzuetan lanean hasteko, eta lan talderik osatu ez izanaz kexatu da.
Enplegua
ITP, Aernnova edo Tubacex bezalako euskal enpresa garrantzitsuetan iragarritako doikuntzen ondoren, oraindik beste doikuntzaren bat gerta daitekeen beldur da, baina "egiturazko eta malgutasuneko neurriak" aplikatzearen alde dago. Gainera, sektore batzuetan ERTEak irailetik harago luzatzea egokia izan daitekeela uste du.
Bestalde, Espainiako Gobernuarekin defizitaren eta zorpetzearen inguruan sinatutako akordioaren helburua "murrizketarik ez egitea" eta "egoera zail honetan" zorpetzeko gaitasuna izatea zela esan du.
"Zero defizitera itzultzea kosta egingo da"
Arantxa Tapiak aitortzen du "urte batzuk igaroko direla" zero defizitera itzuli arte. Datozen EAEko aurrekontuetan, Tapiak "oreka mantentzearen" eta herritarren osasuna eta ongizatea bermatzearen alde egingo du, ekonomia suspertzeko eta enplegua sortzeko diru partidak sartzeaz gain.
Horretarako, PSE-EE eta EAJren arteko gobernu programa bat lantzen ari direla gogorarazi du. Erabakiak hiru ardatzetan oinarritu behar direla uste du: osasunean, digitalizazioaren erronkan eta trantsizio ekologiko eta energetikoan.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".