Koronabirusa
Gorde
Kendu nire zerrendatik

Hasi dira COVID-19aren kontrako txerto errusiarra ekoizten

Nikolai Gamaleia zentroaren txertoari Sputnik V izena jarri diote, eta abuztuaren 11n erregistratu zuten. Agintarien arabera, segurtasuna eta eraginkortasuna frogatuta daude.
Sputnik V txertoa. Argazkia: EFE

COVID-19aren kontrako txertoa ekoizten hasiko dela iragarri du Errusiako Gobernuak. Urrian osasun eta hezkuntza arloetako langileak txertatzeko kanpaina hasteko asmoa du.

Osasun Ministerioak komunikatu batean esan duenez, "Nikolai Gamaleia Epidemiologia eta Mikrobiologia Ikerketa Zentroak garatutako txertoa ekoizten hasi dira". Sputnik V izenaz bataiatu dute abuztuaren 11n erregistratutako txertoa.

Segurtasuna eta eraginkortasuna frogatuta daudela uste dute agintariek, Vladimir Putin presidenteak defendatu zuen moduan. Txertoa, alabaina, 3. fasea bukatu baino lehen erregistratu dute. Txertoak bi urteko immunitatea eskainiko luke, Sputnik agentziaren arabera.

Agintarien arabera, Errusia 12 hilabetean 500 milioi dosi ekoizteko gai izango da. Atzerrian ere ekoitziko dute, eta entsegu klinikoak Arabiar Emirerri Batuetan, Arabian Saudin eta Filipinetan burutuko dituzte.

Errusian koronabirusaren kontrako borrokan diharduen zentroaren arabera, 5.061 positibo berri zenbatu dituzte azken egunean. 917.800 dira guztira. Hildakoak 15.617 dira, aurreko egunean baino 119 gehiago.

Albiste gehiago mundua

18:00 - 20:00
ZUZENEAN
Duela  min.

Dalai-lamak, Tibeteko budisten buruzagi espiritualak, 90 urte bete ditu

Munduko buruzagi erlijioso garrantzitsuenetakoak ekitaldi jendetsua egin du bere etxebizitzan, Indiako iparraldean, lagun ugariz inguratuta, tartean Richard Gere aktorea. 14. dalai-lamak 130 urte baino gehiago bizitzeko itxaropena du, eta Txinako inposaketei aurre egiten jarraituko duela hitzeman du. 

Gehiago kargatu