Bilboko Portuko zamaketariek Espainiako Gobernuaren ibilbide-orria onartu dute
Bilboko Portuko zamaketarien eta enpresen arteko lan-gatazka negoziazioaren bidez konpontzeko Espainiako Gobernuko Lan eta Ekonomia Sozialerako Ministerioak atzo proposatu zuen ibilbide-orria onartu dute sindikatuek.
Joan den urritik, lanuzteak eta mobilizazioak egiten ari dira zamaketariak Bilboko Portuan. Sindikatuetako iturriek azpimarratu dute enpresek proposamen hori onartzen badute, "berehala" emango diotela amaiera grebari. Halaber, negoziazioak irauten duen bitartean lanuzte gehiago ez deitzeko konpromisoa hartuko luketela aurreratu dute.
Lan Ministerioaren ibilbide-orria asanbladara eraman dute, "baina ez da bozketarik egin, langileek argi baitute aspalditik eskatzen ari garen negoziazioari aukera bat eman behar zaiola", erantsi dute.
Sindikatuek gaur bertan igorriko diote Lan Zuzendaritzari jakinarazpen bat Espainiako Gobernuaren negoziaziorako proposamena onartzen dutela baieztatuz.
Aldebiko bilerak
Lan Ministerioaren ibilbide-orriaren arabera, aldebiko bilerak izango lirateke enpresa eta sindikatuen artean, eta ondoren Lan Ministerioarekin batzartuko lirateke nor bere aldetik, "aurrerapenen berri emateko edo oztopo zehatzak aipatzeko".
Negoziazioaren lehen zatian bi aldeek gutxienez bi bilera egitea aurreikusten da eta abenduaren 22an hiriko batzarra egingo lukete alde sozialak, enpresariek eta Ministerioaren ordezkaritzak.
Hortik aurrera negoziaketaren bigarren fasea abiatuko litzateke eta hiruko bilera definitiboa urtarrilaren 13an egingo lukete Ministerioaren egoitzan.
Espainiako Gobernuak abenduaren 3a arteko epea eman die aldeei bere proposamena onartzen duten ala ez jakinarazteko.
Zure interesekoa izan daiteke
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.
Donostia Ospitalearen parean manifestazioa egin dute medikuek, estatutu eta gutxieneko soldata propioa eskatzeko
Euskadiko Medikuen Sindikatuak deituta, medikuek bat egin dute M17ko greba orokorreko aldarrikapenekin. Medikuek bigarren greba astea hasi zuten atzo, estatutu propioa eskatzeko.