SPRIk 'brexit'ari buruzko aholkularitza zerbitzu berria sortu du euskal enpresentzat
Basque Trade & Investment Nazioartekotzeko Euskal Agentziak arreta eta aholkularitza zerbitzu berria jarri du martxan euskal enpresentzat, Erresuma Batua Europar Batasunetik irteten denean sortuko den testuinguru berriari buruz informatzeko. Enpresei laguntzeko arlo horretako ekimenei gehituko zaie 'Brexit Trade Helpdesk' izeneko zerbitzua, eta agentziak Londresen duen kanpo bulegotik koordinatuko da.
Eusko Jaurlaritzako Ekonomiaren Garapen, Jasangarritasun eta Ingurumen Saileko iturriek jakinarazi dutenez, zerbitzu berriaren helburua erantzun azkarra ematea da euskal enpresei laster iritsiko den 'brexit'aren aurrean.
Ildo horretan, SPRI Taldean integratutako Nazioartekotzeko Euskal Agentziak lehenbailehen informatzeko gomendatu die euskal enpresei, 'brexit'ak nolako eragina izan dezakeen Erresuma Batuarekin dituzten negozioetan jakiteko.
Une honetan, Europako Batzordea eta Erresuma Batua akordioa negoziatzen ari dira bi alderdien arteko etorkizuneko harremana arautzeko, eta onartzen bada, 2021eko urtarrilaren 1ean sartuko da indarrean. Ez bada akordiorik lortzen, Erresuma Batua Europar Batasunetik irtengo da abenduaren 31n. Hortik aurrera beste edonongo herrialde batek duenaren pareko harremana izango du Europar Batasunarekin eta horrek ondorio garrantzitsuak izango ditu enpresa nahiz hiritarrentzat.
Jaurlaritzaren arabera, negoziazioen emaitza edozein izanda ere, "garrantzitsua da irteera ongi prestatzea eta hartu beharreko neurriak garaiz hartzea, hau da, aduanetako tramite berriak egin beharko dira, zerbitzu logistikoak egokitu beharko dira egoera komertzial berrira, eta ongi jakin beharko da nolako ondorioak izango dituen irteerak zergetan nahiz produktuen zertifikazioan".
"Ondorioz, Erresuma Batuarekin harreman komertzialak dituzten enpresak lehenbailehen prestatu beharko dira Erresuma Batuarekin beste era batean lan egiten hasteko", ziurtatu dute.
Zure interesekoa izan daiteke
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.
Donostia Ospitalearen parean manifestazioa egin dute medikuek, estatutu eta gutxieneko soldata propioa eskatzeko
Euskadiko Medikuen Sindikatuak deituta, medikuek bat egin dute M17ko greba orokorreko aldarrikapenekin. Medikuek bigarren greba astea hasi zuten atzo, estatutu propioa eskatzeko.