Langile bat hil da bihotzekoak jota Petronorren findegian, Muskizen
Indusaleko langile bat hil da gaur bihotzekoak jota Petronorren Muskizko (Bizkaia) findegiko sarrera kontrolera iristear zenean. Indusalek suaren aurkako arropa jasotzen du lantegi bizkaitarrean.
Petronorrek jakinarazi duenez, 05:30 aldera, findegiko sarrera kontrolera iristear zela, eta eskuak garbitzeko zorian zegoenean, bihotzekoak jota hil da Indusaleko langile bat.
Petronorreko Mediku Zerbitzuei jakinarazi diete, bertatik 50 metrora daudelako, eta 112rekin harremanetan jarri eta suspertzeko ariketak egin dizkiote. Dena dela, eta Osakidetzaren ZIU mugikor bat bertaratu bada ere, langilea bertan hil da 06:00ak inguruan.
Petronorreko langileek eta zuzendaritzak "atsekabe handia" agertu dute heriotzagatik, eta lankide, senitarteko eta lagunei doluminak helarazi dizkiete.
LABen arabera, "istripu ez-traumatikoak ere lan-ezbeharrak dira"
LAB sindikatua atsekabetua agertu da Indusaleko langilearen heriotzaren aurrean, eta horrekin lotuta adierazi du istripu ez-traumatikoak ere lan-ezbeharrak direla.
Ohar batean, sindikatu horrek azaldu du lanean hasi behar zen unean hil dela behargina, bihotzekoak jota.
"Azken heriotza honekin, 65 dira dagoeneko Euskal Herrian urtea hasi zenetik hil diren langileak. Gainera, Joaquin Beltran desagertuta dago oraindik Zaldibarko zabortegiko hondakinen artean", salatu du LABek.
Ildo horretan, elkartasuna adierazi nahi izan die Muskizen gaur hil den beharginaren senitarteko eta lankideei.
"Ez dira lan orduetan halabeharrez gertatzen, alegia, ez dira zorte txarragatik jazotzen, enpresariek dioten bezala. Argi dago lan-baldintza kaskarretan lan egiteak, presioak eta estresak lagundu egiten dutela gisa horretako istripuetan", ohartarazi du.
Zure interesekoa izan daiteke
Trumpek Venezuelako petrolioaren kontrola hartu zuenetik Europara heldu den lehen ontzia Bilboko portuan da
Hilabete eta sei egun igaro dira Josu Jon Imaz Repsoleko egungo kontseilari delegatua Etxe Zurian sartu zenetik, beste petrolio-enpresa batzuetako ordezkariekin, Venezuelako petrolio-industria berrabiarazteko. Hala, Trumpek industria horren kontrola hartu zuenetik Karibeko lehen petrolio-ontzia iritsi da azken orduotan Bilbora. Repsolek milioi bat upel eskuratu ditu, eta Petronorren plantan tratatuko dituzte, Muskizen.
Lanaldiei lotuta Euskadin egindako jarduketen % 60etan irregulartasunak antzeman zituen iaz Lan Ikuskaritzak
Emandako datuen arabera, Euskadiko Lan Ikuskaritzak 20.191 esku-hartze egin zituen iaz. Horietan 1862 arau-hauste antzeman ziren — 10,4 milioi euro —, eta 26.959 kontratu berrikusi; horietatik 1.788 kontratu mugagabe eta lanaldi osokoak bihurtu ziren.
Euskadik zerua ukitu nahi du aeronautikan: 110 milioi inbertituko ditu proiektu batean, eta 800 lanpostu sortu
ITP Aero izango da proposamenaren buru, eta hamabi enpresak hartuko dute parte harekin batera.
Estatutu propio baten aldeko aldarria zabaldu dute medikuek Donostian
Osakidetzan lehen arretako mediku bat egongo da gutxienez osasun-etxe bakoitzean. Baliteke urgentziazkoak ez diren ebakuntza batzuk bertan behera uztea.
Zer eskatzen dute medikuek?
Medikuen sindikatuek Estatutu Marko propioa eskatzen dute, euren lanbideak Osasunaren sektoreko gainerako lanbideetatik bereizten dituzten ezaugarriak dituela argudiatuta.
Espainiako Gobernuak gutxieneko soldataren igoera sinatuta, zenbatekoa izango da LGS berria?
Behin akordioa sinatuta, litekeena da Errege Dekretua astearte honetan onartzea, % 3,1eko igoerarekin.
Albiste izango da: medikuen greba, aireportuen eskualdatzea eta abisu horia euriagatik
Gaurkoan albiste izango direnen laburpena, bi hitzetan.
Tamara Yagüe (Confebask): "Industria atzeraldira hurbil daiteke une batzuetan; datozen hilabeteak erabakigarriak izango dira"
Arantza Ruizek Confebaskeko presidentea elkarrizketatu du ETBko "12 minutos" saioan. Yagüek azpimarratu du hazkundea ez dela etengabea sektore guztietan, eta, industriari dagokionez, zuhur jokatzea komeni dela adierazi du, "datozen hilabeteak erabakigarriak" izango baitira.
Sarralle taldea osatzen duten zazpi lantegitan sei hilabeterako erregulazio txostena jarriko dute martxan
Enpresak eta langileek ez dute akordiorik lortu lantegi gehienetan, eta kontsultetarako epea agortuta, astelehenetik aurrera indarrean izango da aldi baterako enplegu-erregulazioko espedientea (ABEEE). Taldeak arrazoi ekonomikoak eta teknologiari lotutakoak argudiatu ditu erregulazioko txostena abian jartzeko.
Galiziako itsaski-biltzaileak kezkatuta daude euriteen ondorioz itsaskiak hilda agertzen ari direlako
Berberetxoa % 30 garestitu da, bata bestearen atzetik izan ditugun ekaitzen ondorioz asko hil egin baitira. Galiziako itsaski-biltzaileak kezkatuta bizi dira denboraleen boladari begira, etengabeko euriek itsasadarren gazitasuna murriztu dutelako, eta, ondorioz, berberetxoen % 70 hil direlako.