Legatzaren kuota % 5 murriztea adostu dute Europar Batasuneko estatu kideek
Negoziazio luzeen ostean, 2021erako arrantza kuoten inguruko akordioa lortu dute Europar Batasuneko (EB) estatu kideek, akordioa behin-behinekoa bada ere. Izan ere, EBk eta Erresuma Batuak oraindik ez dute zehaztu zein izango den euren harremana urtarrilaren 1etik aurrera, eta negoziatu beharreko 146 stocketatik 119 partekatzen dituztenez, 27 arrain mota arrantzatzeko kuotak bakarrik hitzartu ahal izan dituzte.
Dena den, euskal arrantzaleei gehien eragiten dien kuotetako bat hitzartu dute estatu kideek: legatzarena. Azken zazpi urteotako beheranzko joerarekin bat dator 2021erako adostutakoa, % 5eko murrizketa izan baitu.
Halaber, txitxarroari eta berdelari dagokienez, urteko lehen hiru hilabeteetan kuota osoaren % 65 arrantzatzea baimendu dute. Akordioa garrantzitsua da euskal arrantzaleentzat, bi espezie horiek sasoi horretan harrapatzen baitira normalean. Antxoaren kuota % 3,5 handitzea adostu dute Arrantza ministroek.
Leandro Azkue Eusko Jaurlaritzako Arrantza zuzendariaren ustez, legatzaren kuota % 5 bakarrik jaistea "ez da horren albiste txarra, duela bi egun eztabaidatzekotan zegoen proposamena (% 12,8) zein zen ikusita".
Euskadi Irratiari egindako adierazpenetan, Azkuek azaldu du murrizketak ez direla "albiste onak" izaten, baina kasu honetan "nondik gatozen" eta duela bi egun mahai gainean zegoen proposamena kontuan hartu behar dira. "Horren ildoan esan behar dut % 5eko murrizketa hori ez dela horren albiste txarra", aitortu du.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.