Aernnovako langileen lehen greba eguna, Ikuskaritzak EEEa atzera bota dezan
Berantevillako (Araba) Aernnova enpresako langileek bat egin dute zuzendaritzak proposatutako kaleratzeen aurkako grebaren lehen egunarekin, eta " % 100eko" jarraipena egin diote, Lan Ikuskaritzak 55 langileri zuzenean eragingo dien lan-erregulazioko espedientea baztertzeko helburuarekin.
Joan den abenduaren 18an akordiorik gabe amaitu zen 82 langilerentzat ezarrita zegoen Enplegua Erregulatzeko Espediente honen negoziazioa, eta ondoren epe bat ireki zen hala nahi zuten langileek kaleratzearen ordezko neurriak har zitzaten, hala nola aurretiko erretiroak edo baja pizgarridunak. 27 langilek egin zuten hori.
Hala ere, enpresa batzordeak berretsi du ez dutela kaleratzerik onartzen, eta 9 greba egun deitu dituzte urtarrilean zehar, lehena gaur. Aitor Bezares LABek langileen ordezkaritzan duen ordezkariak azaldu duenez, "langileen % 100ak" jarraitu du.
Gainera, eta lanuztearen lehen egun horrekin bat eginez, langileek elkarretaratzea egin dute Eusko Jaurlaritzaren Gasteizko egoitzaren aurrean, eta, bertan, manifestazioa egin dute Legebiltzarrera arte.
Bezaresek azpimarratu duenez, enpresak ez du asmorik kaleratzeen ordezko beste neurri batzuk batzordearekin adosteko, hala nola, lanaldia murriztea. Haren hitzetan, hori baliagarria izan liteke; izan erem batzordearen iritziz, krisia koiunturala baita, koronabirusaren pandemiaren ondorioz sortu dena, eta ez egiturazkoa.
Halaber, gaur bertan Eusko Jaurlaritzarekin beste bilera bat egiteko deialdia jaso dutela azaldu du, baina egunik ez dakiela esan du, eta gatazka honetan Jaurlaritzaren bitartekaritza eskatu du, Aernnova laguntza publikoen "kopuru izugarri handiak" jaso dituen enpresa bat izan delako.
Hurrengo lanuzteak datorren asterako daude deituta, astearterako eta ostegunerako. Urtarrileko azken bi asteetan, berriz, astelehenetan, asteazkenetan eta ostiraletan izango dira lanuzteak.
Enpresako zuzendaritzak iragarri duenez, enplegu-erregulazioko espedientea otsailaren 1etik aurrera gauzatzeko asmoa du.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.