Hiru pertsona atxilotu dituzte Laudion Tubacexen egindako protesta batean
Hiru pertsona atxilotu eta sei identifikatu dituzte, Ertzaintzarekin izandako istilu batzuetan parte hartzea egotzita, Laudioko Tubacex lantegiko langileen kontzentrazio batean. 150 langileri eragin diezaiekeen kaleratze prozesu batean murgilduta dago enpresa. 13 ertzain zauritu dira istiluetan.
07:30 aldera hasi da ika-mika, greban ez dauden langileak zeramatzan autobusak lantegira iritsi direnean. Ertzaintzak baztertzeko eskatu die manifestariei, instalazioetara sartu ahal izateko.
Une horretan, 200 bat lagun zeuden Tubacex lantegiko zuzendaritzak iragarritako kaleratzeen aurkako elkarretaratzean. Segurtasun Sailak jakitera eman duenez, mobilizazioak 05:00etan hasi dira.
Ertzainen argibideei muzin egin, eta bertan zeuden pertsona batzuek petardoak jaurti dituzte. Orduan, Ertzaintzak istiluen aurkako materiala erabili du autobusei pasatzen uzteko. Agenteek bi pertsona atxilotu dituzte agintaritzaren aurkako atentatua egotzita, eta beste sei ikertzen ari dira. Arratsaldean, hirugarren pertsona bat atxilotu dute.
Hirugarren atxiloketa 16:00ak aldera egin dute. Izan ere, goizeko istiluen antzerakoak sortu dira greba mugagabean ez dauden langileak zeramatzan autobusa irtetera zihoanean. Bi ertzain zauritu dira. Hiru atxilotutakoak aske geratu dira arratsaldeak aurrera egin ahala.
Gainera, istiluen ondorioz, 13 ertzain zauritu dira, eta osasun-zentroan artatu behar izan dituzte, baina ez dituzte ospitalera eraman behar izan.
Zuzendaritzak eta batzordeak bilera dute astearte honetan; izan ere, Tubacexen erregulazioak 150 langileri eragingo die, eta aldi baterakoak guztiei.
CCOO Euskadik "neurriz kanpoko"tzat jo du Ertzaintzaren portaera Tubacexeko langileek egin duten mobilizazio "baketsua"ren aurrean.
Sindikatuak ohar batean azaldu duenez, "gaurkoan, besten behin ere, Ertzaintzak neurriz kanpoko errepresioa erabili du elkarretaratze baketsu baten aurrean", eta "enpleguaren defentsa besterik bilatzen ez duten lan protesta" baten aurka.
Hori dela eta, CCOOk "ikuspegi zabalagoaz" jokatzeko eskatu dio Eusko Jaurlaritzari, "uko egin diezaiola langileen mobilizazioak ordena publikoko gai bihurtzeko bideari".
ErNE sindikatu polizialak, berriz, "giza baliabide eta baliabide material gehiago" eskatu dizkio Segurtasun Sailari, "ertzainen segurtasuna bermatzeko" eta "zorigaiztoak" eragozteko.
Sindikatuak esan du "penagarriak" direla horrelako ekintzetan dituzten baldintzak, eta eurak defendatu beharko lituzkeen Sailak "gerra galtzera" bidaltzen dituela.
Esan Ertzaintzako sindikatuak, bere aldetik, "babesa eta animoak" helarazi dizkie zauritutako ertzainei, eta ohartarazi du ezin direla "24 agente bidali makilekin, harriekin eta botilekin armatuta dauden 300 pertsona kontrolatzera".
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.