Tubacexek kaleratzeak 150etik 134ra jaistea eskaini die sindikatuei
Tubacexen zuzendaritzak Amurrioko eta Laudioko (Araba) lantegietarako Lan Erregulazio Txostenean aurreikusten dituen 150 kaleratzeak 134ra jaistea eskaini die sindikatuei.
Horixe jakinarazi du Efe albiste-agentziak enpresa batzordeko iturrietan oinarrituta, gaur bi aldeek Lan Erregulazio Txostena eta Aldi Baterako Lan Erregulazio Txostena negoziatzeko egin duten bileraren ostean.
Langileen ordezkariek Lan Erregulazio Txostena bertan behera uzteko eta Aldi Baterako txostena negoziatzeko eskaerari eutsi diote, baina zuzendaritzak uko egin dio. Izan ere, konpainiak dio nazioarteko krisiak eragindako egiturazko arazoak dituela eta eskaerek behera egin dutela. Langile batzordeak, aldiz, uste du arazoa unean unekoa dela eta nahikoa dela behin behineko neurriak hartzea.
ELA, CCOO, STAT eta Independentek beste proposamen bat aurkeztu dute, 1966an edo lehenago jaiotakoen aurre-erretiroa, % 100eko estaldurarekin, aurreikusten duena; eta baita borondatezko eszendentziak 1.500 euroko soldatarekin. Era berean, borondatez lana uzten dutenei urteko 60 eguneko ordaina ematea jarri dute mahai gainean.
Guztiak neurri "ez traumatikoak" eta "boluntarioak" direla azpimarratu dute sindikatuek, helburua "kaleratzerik ez" izatea delako.
Gainera, hurrengo 10 urteetan kaleratzerik ez egiteko konpromisoa bete beharko luke enpresak, eta lanpostuak ez externalizatzekoa. Aldi Baterako txostenari dagokionez, sindikatuek % 100eko gehigarria eskatzen dute, oporrak eta aparteko sariak edukitzeko.
LAB ez da proposamen horretan sartu, zuzendaritzak ez duelako justifikatu egiturazko neurriak hartu behar izatea. Izan ere, sindikatu abertzalearentzat krisia behin behinekoa da, eta horretarako "irtenbide onena" Aldi Baterako Erregulazio Txostena negoziatzea da.
Tubacexen zuzendaritzak esan du proposamen horietatik "urrun" dagoela, eta kaleratzeak 150etik 136ra jaistea eta kaleratzeengatik urteko 25 egun ordaintzea (gehienez 18 hilabetez) proposatu du.
Hurrengo negoziazio batzarra ostegunean izango da, eta asteartean, hilaren 9an, izango da negoziazio fasea amaitzeko azken bilera.
Laudioko eta Amurrioko langileak greba mugagabea egiten ari dira otsailaren 15etik, eta egunero moibilizazioak egin dituzte euren egoeraren berri emateko.
Tubacexek 25,3 milioi euroko galerak izan zituen, batez ere EAEn pilatutako balantze negatiboagatik, baina aurreko urtean 11 milioi euroko etekina eskuratu zuen.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".