Tubacexek kaleratzeei ekingo die, negoziazioak porrot egin ostean
Tubacexek Lan Erregulazio Txostena ezarriko du Laudioko eta Amurrioko (Araba) lantegietan, eta gaur gaurkoz, 124 izango dira kaleratzeak. Gainera, langile guztiei Aldi Baterako Erregulazio txostena ezarriko die, zuzendaritza eta langileen ordezkariak ados jartzeko negoziazio prozesuak porrot egin ostean.
Sindikatuetatik jakinarazi dutenez, enpresak ez du bertan behera utzi erregulazio txostena, langileen ordezkarien eskaerari muzin eginda, eta orain zuzendaritzak 15 eguneko epea du txostena lan agintarien esku uzteko eta kaleratuen zerrenda emateko.
Horrela amaitu da negoziazio prozesua, zuzendaritzak lan erregulazio txostena eta 800 langileentzako aldi baterako txostena iragarri zuenetik abian jarritakoa.
Asteotan zenbait batzar egin dituzte, baina jarrerak ez dira gerturatu. Enpresak uste du egiturazko arazo ekonomikoa duela, bere produktuen jomugan dauden sektoreetako krisiagatik: petrolioa eta gasa.
Baina langileen ordezkariek uste dute, arazo ekonomikoak onartu arren, unean unekoak direla, eta horregatik behin behineko neurriak defendatzen dituzte.
Hasieran 150 kaleratze proposatu zituen zuzendaritzak, baina gero 136ra jaitsi zuen kopurua. Gainera, 12 langilek aurre erretiroa hartzea proposatu dute, beraz, 124 izango dira kaleratuak.
Are gehiago jaitsi liteke kopuru hori borondatezko kaleratze gehiago egonez gero. Orain arte, LABen arabera, 12 izan dira aukera hori eskatu dutenak, baina zuzendaritzak ukatu egin die 2ri. Astelehenean amaituko da eskaerak egiteko epea.
Zuzendaritzak urteko 45 eguneko kalte-ordaina emango die langile horiei, gehienez 24 hilabete, eta 2012a baino lehenagoko antzinatasunarekin; eta hortik aurrerakoei 33 eguneko kalte-ordaina emango die, gehienez 24 hilabete, Jonatan Garcia LABen ordezkariak azaldu duenez.
Langile guztiei ezarriko dieten Aldi Baterako Lan Erregulazio Txostenaren kasuan, enpresaren asmoa martxoan bertan hasi eta irailera arte luzatzea da, eta langileek % 40 bakarrik egingo dute lan, eta gainerako % 60a langabezian egongo dira.
Bilera eta protestak
Negoziazioaren azken batzarra Bilboko erdiguneko hotel batean egin dute, Laudioko lantegi batean egitea aurreikusi bazuten ere.
Langileak otsailaren 15etik ari dira greba mugagabea egiten, eta gaur eserialdia egin dute zuzendaritzako kideak zeramatzan autobusari bidea ixteko.
Zuzendaritzak batzarra egiteko lekua aldatu du, baina han ere dozenaka langile elkartu dira, Ertzaintzaren zaintzapean.
Langile batzordeak salatu du batzartokian sartu direnean "gaizkile gisa" tratatu dituztela, miatu egin dituztelako eta motxilak begiratu dizkietelako "zuzendaritzaren laguntzarekin".
Sindikatuek azpimarratu dute "borroka" ez dela amaitu, eta berdin jarraituko dutela Lan Erregulazio Txostena bertan behera utzi arte. Horren harira, langileen jarrera eskertu dute.
LABen esanetan, sindikatuetako zerbitzu juridikoak salaketak prestatzen ari dira txostena atzera botatzeko, baina oraindik ez dakite noiz sartu ahal izango dituzten.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.