Tubacexeko langileak "argudioz eta arrazoiz beteta" iritsi dira epaiketara
Tubacexeko enpresa batzordearen arabera, Justiziak arrazoia emango die eta kaleratutako 128 langileri eragiten dieten lan-erregulazioko espedienteak bidezkoak ez direla ebatziko du. Horren harian, "arrazoiz eta argudioz beteta" iritsi dira epaiketara, eta "espero dugu justiziak hala ikustea eta gatazka egoera aldatzea, 128 pertsonei euren lanpostuak itzuliz", azaldu dute.
Langileek elkarretaratzea egin dute Bilbon, Euskal Autonomia Erkidegoko Auzitegi Nagusiaren aurrean, astelehen eta astearte honetan Tubacexen lan-erregulazioko espedienteen aurka izango diren bi epaiketetan. Gaur goizeko epaiketa TTI enpresaren Laudioko lantegiari dagokio.
"Tubacex ERErik Ez" zioen pankarta baten atzean eta "Tubacexen ez dago inor soberan" oihuen eta petardo eta sirenen hotsen artean egin dute mobilizazioa.
Eduardo Ibernia enpresa batzordeko presidenteak Tubacexen erabakia salatu du berriro, eta pandemiaren aurreko urteetan konpainiak "milioika euroko irabaziak" izan dituela esan du; "laguntza publikoak jaso ditu eta lan-erregulazioko espedienteak klase politikoaren babespean aurkeztea ahalbidetzen dion lan-erreforma baten babesa du", gaineratu du.
Lan-erregulazioko espedienteak eragin dituzten arrazoiak "koiunturalak" direla azaldu du, pandemiaren ondorioz heldu baitira, eta 131 egun greba mugagabean daramatzatela gogorarazi du; izan ere, langileak "nazkatuta daude enpleguaren suntsiketa eta ezegonkortasuna onartzeaz".
Eusko Jaurlaritzaren jarrera ere kritikatu du enpresa batzordeak. "Beste alde batera begiratzea" leporatu diote, eta "poliziaren errepresioa erabili behar dutenean bakarrik kezkatzen dira", salatu dute.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.