Tubacexek ez ditu berriro hartuko Laudio eta Amurrioko lantegietako 129 kaleratuak
Tubacexeko zuzendaritzak enpresako batzordeari jakinarazi dio ez dituela berriro hartuko Laudio eta Amurrioko lantegietan EEEan zeuden kaleratutako 129 langileak, sindikatuek baieztatu dutenez.
Erabaki horrekin, ITPren filiala zen PCB enpresaren bide berdina jarraituko du Tubacexek. EAEko Justizia Auzitegi Nagusiak kaleratzeak baliogabetzak jo zituen enpresa horretan ere, eta horren aurrean PCBk langileak berriro onartu ordez, soldatak ordaintzearen alde egin zuen.
Joan den ostiralean, eta epaia betearazteko enpresari bost egun ematen zizkion epaia publiko egin ondoren, zuzendaritzak bilera baterako deia egin zion batzordeari astearte honetarako, azken erabakia jakinarazteko.
Bestalde, enpresak helegitea aurkeztu zuen Auzitegi Gorenean, eta Auzitegiak erabakia hartu arte ez dituela kaleratutakoak lanera itzuliko adierazi du.
EAEko Justizia Auzitegi Nagusiaren bi epaiek kaleratutakoak baliogabetzat jo dituzte; izan ere, taldearen galera ekonomikoak ez dira "koiunturalak", zuzendaritzak argudiatu zuen bezala. Auzitegiaren arabera, pandemiarekin eta jardueraren beherakadarekin lotutako krisi ekonomikoak eragin zuen enpresaren egoera ekonomiko zaila.
Galdutako aukera
Tubacexeko enpresa batzordeak "aukera galdutzat" jo du erabakia, zuzendaritzaren eta langileen arteko harremanak normalizatzeko "topagune" bat aurkitzeko lanetan. Sindikatuek eta langilek "datozen egunetan" aztertuko dituzte bilera horretatik ateratako ondorioak.
Halaber, manifestazio bat deitu dute asteazken honetarako. Mobilizazioa arratsaldeko 18:30ean hasiko da enpresak Laudion duen lantegitik, eta herritarrei gonbita zabaldu die, "hilabete hauetan guztietan jasotako babesa eskertzeko".
Gatazkari eustea
Bestalde, batzordean gehiengoa duen ELA sindikatuak ohar propioa kaleratu du. Bertan, Tubacexeko zuzendaritzari "gatazka mantentzearen aldeko apustua" egiten jarraitzea leporatu dio, eta hori "albiste oso txarra" dela gaineratu du.
Hori dela eta, sindikatua datozen orduetan bilduko da "egoera aztertzeko eta beharrezkoak diran erabakiak hartzeko". Joan den astean egindako prentsaurreko batean, Eduardo Ibernia ELAko idazkari nagusiak iragarri zuen, berriz ez onartzeko erabaki hori hartuz gero, sindikatu gisa gainerako sindikatuei 150 egunetik gorako greba mugagabearekin jarraitzea proposatuko dute.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.