Gaueko aisialdiko lokalek 35.000 euro arteko laguntzak eskatu ahalko dituzte
Eusko Jaurlaritzako Turismo, Merkataritza eta Kontsumo Sailak 12 milioi euro banatuko ditu gaueko aisialdiko lokalen jabeen artean, koronabirusak euren negozioetan egindako kaltea arintzeko. Izan ere, gehientsuenek urtebete baino gehiago daramate itxita.
Javier Hurtado arlo horretako sailburuak aurkeztu ditu laguntzok, gobernu bileraren osteko prentsaurrekoan. Zehaztu duenez, Euskal Autonomia Erkidegoan (EAE) horrelako 1.000 bat establezimendu daude (ostalaritza sektorearen % 10-14).
Hurtadok azaldu du gaueko aisiarako jarduerak murrizketa handiak jasan dituela pandemia garaian, eta, horregatik, "beharrezko" jo dutela deialdi berri hori egitea. III. eta IV. taldeetan sailkatutako establezimenduentzat bideratuko dituzte laguntzak. III. taldekoak dira ixteko ordutegia 02:30era arte duten pub eta taberna bereziak, eta IV.ekoak, berriz, ixteko ordutegia 04:30era arte dutenak eta dantzarako eta dibertsiorako establezimenduak (diskotekak).
Irizpide hauen arabera banatuko dira laguntzok:
- Hamar langile baino gutxiago dituzten III. taldeko establezimenduek 10.000 euroko laguntza jaso ahal izango dute, eta 10 langile edo gehiago dituztenek, 15.000 eurokoa.
- IV. taldeko establezimenduek 15.000 euroko laguntzak jaso ahal izango dituzte 10 langile baino gutxiago badituzte, eta 35.000 eurokoak, 10 langile edo gehiago badituzte.
Pub eta diskoteken jabeek 15 egun izango dituzte eskaera egiteko (Euskal Herriko Agintaritzaren Aldizkarian argitaratzen den egunetik zenbatzen hasita). Hurtadoren arabera, lizentzia mota eta langile kopurua zehazten duten ziurtagiriak aurkeztu beharko ditu ostalariak, eta, ondoren, "prozedura azkar eta erraz" bati esker, "ahalik eta arinen" jasoko ditu laguntzak.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.