Salerosketak eragindako "ziurgabetasuna" dela eta, ITPko batzordeak informazioa eskatu dio zuzendaritzari
Zamudioko ITP Aeroko enpresa-batzordeak informazioa eskatu dio konpainiako zuzendaritzari, jabeak aldatuko direlako, Rolls-Roycek Bain Capital funtsari enpresa saldu ostean, batzordeko iturriek jakitera eman dutenez.
Astelehen honetan kaleratutako akordioaren arabera, AEBko funtsak 1.600 milioi euroren truke erosi du ITP Aero, eta Sapa eta JB Capital taldeek ere parte hartzen duten partzuergo baten buru izango da.
Batzordeak adierazi duenez, une honetan "ziurgabetasun handia" dago langileen artean, eta beren kezka nagusia enplegua bermatzea da. Hori dela eta, bilera bat eskatu dute ITP Aeroko arduradunekin, zalantzak argitzeko eta operazioaren xehetasunak emateko.
ELAk Jaurlaritzaren koherentzia falta kritikatu du
ELA sindikatuak gogor kritikatu du Jaurlaritzaren "koherentzia falta"; izan ere, Bain funts estatubatuarrari ITP-Aero saltzearekin enplegua mantentzeaz kezkatu dela uste du, baina duela hilabete batzuk ITP-Aerok Euskadin 200 lanpostu bertan behera utzi zituenean ez zuen ezer egin.
ELAk ohar batean gogorarazi duenez, ITPk Zamudioko egoitzatik 121 langile kaleratu zituen CCOOrekin eta UGTrekin hitzartutako enplegu-erregulazioko espediente batekin, eta PCB-ITP filialean 83 langile lanik gabe utzi zituen,. Gainera, ITP Externals bezalako beste filial batzuetan langile kopurua murriztu zuten.
"Jaurlaritzaren koherentzia falta kritikatzen dugu; izan ere, dirudienez, azken aste hauetan, salerosketaren ondorioez arduratu da, esate baterako, enpleguaz, eta ITP-Aeron azken hilabeteetan kaleratuta 200 langileren kaleratzeen aurrean, beste alde batera begiratu du", adierazi du.
Era berean, ELAren hitzetan, Rolls & Roycek pandemia egoera aprobetxatu zuen kaleratze horiek burutzeko eta "salerosketa horretan etekin gehiago lortzeko", eta Bain Capitali lanpostu guztiak mantentzea eskatu dio, PCBn kaleratutako 83 langileak berriro hartzea barne, baita lan baldintzak mantentzea ere.
Albiste gehiago ekonomia
Sidenor eta Legazpiko Udala zigortu dituzte langile bati amiantoagatik kalte-ordaina ematera
EAEko Auzitegi Nagusiak atzera bota ditu enpresaren eta Udalaren helegiteak, eta berretsi egin du 376.305 euroko zigorra amiantoaren eraginpean egoteagatik.
BSHko langileek babesa eman diote zuzendaritzak eta gehiengo sindikalak lortutako akordiori, aldeko 475 bozkekin
Langileen % 78k bat egin du aurreko asteazkenean UGT, CCOO, ATISS eta Solidari sindikatuetako ordezkariek adostu zuten aurreakordiorekin. Horren arabera, 609 lagun kaleratuko dituzte kalteordainekin eta lantegia itxiko dute.
Euskadiko Parke Teknologikoaren etorkizuneko campusa eraikitzen hasi dira Zorrotzaurren: Idom, Mondragon eta abangoardiako enpresak hartuko ditu
Aurreneko eraikina Tarabusi pabiloi zaharraren kokalekuan egongo da, Galletaginen etorbidean. Bilboko Campusean teknologikoki aurreratuak diren hainbat enpresa ezartzea aurreikusten da.
Parte-hartze zabala BSHn, lan-erregulazioko espedientearen aurreakordioaren inguruko bozketan
Eguerdiko 13:00etarako langileen % 80k eman du bozka. Enpresa batzordearen gehiengoak, ELAk eta LABek izan ezik, joan zen asteazkenean lortu zuen aurreakordioa zuzendaritzarekin, eta, horren arabera, lantegia itxi eta 609 pertsona kaleratuko dituzte, 655 izan beharrean.
Arabako Ogasunak 181 milioi euro itzuli ditu errentaren kanpainan
Guztira, 200.457 aitorpen egin dira, aurreko ekitaldian baino % 3 gehiago. Datu hori "Arabako ekonomiaren martxa onaren sintoma" da Itziar Gonzalo Ogasun diputatuaren arabera.
Euskadiko hotel-ostatuek duela urtebete baino ia % 10 bidaiari gehiago izan dituzte ekainean
Arlo guztietan gora egin dute ekaineko turismo datuek Euskadin; izan ere, hoteletako gelaren bataz besteko prezioa % 8 garestiago izan da, 138 eurokoa, eta gelen okupazioa, % ia 80koa, % 3 pasatxo altuagoa. Lurraldeka, Gipuzkoan izan du bidaiari-sarrera gorakada handiena, % 11,30, baina hiriburuen artean Bilbon hazi da gehien.
Bizkaiko autoeskoletako langileek hirugarren greba egunari ekin diote
Goizeko 08:30ean manifestazioa abiatu dute Bilboko Casilda Iturrizar Parketik Bizkaiko autoeskoletako irakasleek. Zazpi hilabete daramatzate sindikatuek patronalarekin negoziatzen, baina hainbat bilera egin eta gero, ez dute akordiorik lortu. Hirugarren greba eguna dute gaur, lan hitzarmena berritzea eskatzeko.
Hirugarren greba eguna izango dute Bizkaiko autoeskolek astelehen honetan, azken bilerak porrot egin eta gero
ELA eta CC.OO. sindikatuek hiru greba egun deitu zituzten uztailerako eta partehartze handia izan dute aurreko biek. Aurreko astean, uztailaren 15ean, bildu ziren APAVI patronalarekin baina ez zuten akordiorik erdietsi. Gauzak honela, irailaren 2an izango dute hurrengo bilera.
'La Suizako 6ak' erabat aske uzteko eskatu dute, hirugarren gradua lortu ostean
CNT sindikatuak elkarretaratzeak egin ditu Bilbon eta Donostian, 'La Suizako 6ak' ezizenez ezagun egin diren sei sindikalisten alde. Izan ere, bost emakume eta gizon bati kartzela zigorrak ezarri dizkiete Gijongo 'La Suiza' gozotegiaren aurrean, langile baten kaleratzearen aurka, protestak eta mobilizazioak egiteagatik.
Asteburuko greba bertan behera utzi dute Gipuzkoako Avanzako langileek
Langileek greba egiteko eskubiderako "gutxieneko baldintzak" betetzen ez direla deitoratu du enpresa-batzordeak.