Lakuntza: "Greba orokor bat deitzeko baldintzak bete dira, ez dugu ulertzen LABek kontra egin izana"
ELAko idazkari nagusi Mitxel Lakuntza Radio Euskadiko 'Boulevard' saioan elkarrizketatu dute astelehen honetan. Pandemia hasi zenetik Osakidetzan bizi dituzten "etsipen uneak" nabarmendu ditu, eta, besteak beste, Hezkuntzari eta lan erreformari buruz mintzatu da.
Horrekin guztiarekin Lakuntzak argi utzi du greba orokor bat deitzeko baldintzak bete direla, eta ideia hori LABekin partekatu duela. "Ez dugu ulertzen zergatik azaldu diren kontra. Lan erreforma oso larria da, gezurra gezurren atzetik esan digutelako. Greba orokorrerako baldintza guztiak bete dira", esan du.
Asteburuko manifestazioekin lotuta, Lakuntza pozik agertu da: "Oso positiboak izan dira, dela parte-hartzaile asko izan dituztelako, dela Osakidetzako langileen etsipena azaleratu dutelako. Osakidetzan gaur egun egiten duten inbertsioa, duela hamar urtekoa baino txikiagoa da", adierazi du. Horregatik, Eusko Jaurlaritzaren jarrera salatu du: "Ez dute mahai gainean inolako neurririk ezarri. Eztabaida politikoa beste gai batzuetara eraman dute, AHTra adibidez. Bien bitartean osasungintza behea jotzen ari da".
Ildo horretan, gogora ekarri du 4.000 langile kaleratu zituztela, eta larritzat jo du soilik 3.000 beharginentzako lan eskaintza publikoa deitu izana. "Ez digute plangintzarekin zerikusia duten ezeri buruzko informaziorik ematen", zehaztu du.
Osakidetzan greba egiteari buruz galdetuta, ELAko idazkari nagusiak ez du ezer baztertu: "Egoera muturrekoa da, eta esfortzua egin behar dugu Jaurlaritzak erantzun bat eman dezan eta baliabideak handitu ditzan. Langileak ez ziren hola eta hola atera kalera, etsipena oso handia delako baizik".
Lakuntzaren ustez, Hezkuntzan egoera ez da hain larria. Azkenik, euskal pentsiodunen adierazpenekin bat etorri da "Lakuak zentzu horretan ere ez du bere hitza bete". Mobilizazioa da esperantzarako bide bakarra, bukatu du.
Zure interesekoa izan daiteke
Astearte honetan hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.