Mendebaldeko zigorrek gero eta presio handiagoa egiten diote Errusiako ekonomiari
Mastercard finantza-zerbitzuen multinazional estatubatuarrak bere ordainketa-sareko hainbat erakunde blokeatu ditu Errusian, Ukraina inbaditu ondoren nazioarteak ezarritako zigorrak betetzeko.
Michael Miebach New Yorken egoitza duen konpainiako presidenteak adierazi duenez, "erregulatzaileekin lanean jarraituko du datozen egunetan, nazioarteak ezarritako zigorrei dagokienez enpresak dituen betebeharrak erabat betetzeko".
Horrenbestez, Mastercard, Visa, BP eta Shell petrolio-enpresak, Fedex, UPS eta DHL paketeria-zerbitzuak, eta Maersk ontzi-enpresak Errusian jarduerak bertan behera uztea edo etetea erabaki dute.
The Walt Disney Companyk ere bat egin du zigorrekin, eta iragarri du ez dituela bere filmak Errusian estreinatuko, eta Googlek iragarri du blokeatu egingo dituela YouTubeko Russia Today (RT) eta Sputnik komunikabide errusiarren kanalak Europa osoan.
Bestalde, Hego Koreak iragarri du bertan behera utziko dituela finantza-transakzioak Errusiako bankurik handienetako zazpirekin eta afiliatuekin, Ukrainaren inbasioagatik Moskuren aurka ezarritako zigorren barruan.
Gaurko iragarpena Hego Koreak Errusiara material estrategikoen esportazioa debekatzea erabaki eta biharamunean egin da, beste herrialde batzuetan hartutako erabakiei jarraituz, AEBn edo Japonian, esaterako, erdieroaleekin eta Errusiaren defentsa-industriarekin lotutako beste ondasun teknologiko batzuekin gauza bera egin baitute.
Frantzia: "Errusiako ekonomia hondoratuko dugu"
Bruno Le Maire Frantziako Finantza ministroak adierazi duenez, mendebaldekook "Errusiako ekonomiaren hondoratzea eragingo dugu", eta zigorrek ondorioak ematen hasi direla esan du.
Horren harian, errubloa % 30 debaluatu dela, Errusiako Banku Zentralak bere interes-tasak % 20ra bikoiztu behar izan dituela eta bere dibisa-erreserbak "elurra eguzkitan bezala" urtzen ari direla adierazi du.
Le Maireren arabera, nazioarteak aktibo errusiarrak izozteko hartutako neurriek bilioi bat euro ingururi eragingo diete.
"Errusiari erabateko gerra ekonomiko eta finantzarioa egingo diogu" eta "herritarrek ere ordainduko dituzte ondorioak", adierazi du Frantziako ministroak.
Ibex 35
Ibex 35ek % 1,25eko jaitsierarekin kotizatzen zuen saio erdian, eta, horren ondorioz, selektiboa 8.374,2 puntutan kokatu da, Ukrainako gatazkak eta egoera horrek munduan dituen ondorio sozial eta ekonomikoek markatuta jarraitzen duten testuinguru batean.
Europako gainerako burtsek ere beherakadekin kotizatzen zuten, Frantziako CAC 40k % 2,32 jaitsi da, Alemaniako DAX (% -2,13), Italiako FTSE MIB (% -2,03) eta Londresko FTSE 100 (% -0,66).
Bestalde, handizkako merkatuko elektrizitatearen batez besteko prezioa erlaxatu egingo da astearte honetan, azken egunetako urteko maximoekin alderatuta, eta % 6,88 jaitsiko da, nahiz eta megawatt-orduko 260 euroko mailatik gertu jarraituko duen.
Bestalde, Brent petrolio upela, Europarako erreferentziazkoa, 101,58 dolarrean dago, % 3,68 igo ondoren, eta Texas upela 98,74 dolarrean dago, % 3,6 igo ondoren.
Zure interesekoa izan daiteke
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.