MasMovilek eta Orangek Espainiako merkaturako itun komertzial bat abiatu dute
Euskaltel erosi zuen MasMovil teknologia enpresak itun komertziala sortzeko prozesua abiatu du Orangerekin, Espainiako merkatuan "operazioak konbinatzeko". Bi enpresek 19,6 milioi euroko "joint venture" batean batzeko asmoa dute, bakoitzak % 50eko parte-hartzearekin.
MasMovilek eta Orangek espero dute prozesua 2013ko bigarren hiruhilekoan bukatzea, behin Administrazioaren, konpetentziaren eta erregulazio agintarien baimena lortuta.
Bi enpresen aktiboak eta taldeak aliantzan batuko dira, "oso osagarriak diren negozio ereduetan babestuz". Enpresa horien arabera, batuketak "merkatuan lehiakortasunez bereiztea" ekarriko du, eta "lehiakide indartsuago bilakatuko dira". Akordioak, gainera, Orangeren kontrolpean egongo litzatekeen "salmenta eskaintza publiko" bat egiteko aukera jasotzen du.
Meinrad Spenger MasMovilen zuzendari exekutiboaren arabera, "Orange eta MasMovilen konbinazioa onuragarria izango da kontsumitzaileentzat, telekomunikazioen sektorearentzat eta Espainiako gizartearentzat".
Eusko Jaurlaritzak ez du uste Euskaltel desagertuko denik
Arantxa Tapia Ekonomiaren Garapen, Jasangarritasun eta Ingurumeneko sailburuak ez du uste "Euskaltel euskal enpresa desagertuko denik" Orangek eta MasMovilek bat egiten badute.
"Azkenean fusio hori gauzatzen bada, Euskaltel enpresa handi baten parte izatera igaroko da", azpimarratu du Tapiak. Bere ustez, MasMovilek Euskaltel erosi ostean, "egoera egonkorra zen azken hilabeteko lanari esker".
"Tamaina handiagoko operazio batek, noski, egindakoa are gehiago egonkortu dezake", uste du Tapiak, eta gainera, "azken teknologiak erabiltzeko aukerak askoz handiagoak izan daitezke".
Bere ustez, "MasMovilen operazioaren baldintzak ez lirateke inondik inora aldatuko", Eusko Jaurlaritzari esan diotenez.
Langileak, fusioak lanari eragitearen beldur
Euskaltelen langile batzordeak, bestalde, balizko fusioak enpleguari eragitearen beldur dira, "modu horretako operazioek beti baitakartzate neurri traumatikoak".
Europa Press agentziari egindako adierazpenetan, Javier Blanco batzordeko presidenteak esan du langile batzordeak ez duela enpresaren partetik informazio zehatzik jaso. Asmoen berri emateko eta egindako lana eskertzeko notifikazio bat baino ez dio igorri.
Batzordeko presidentea beldur da, "egin diren mota honetako operazioen ondorioz beti etorri direlako egiturazko aldaketa edo lan-erregulazio espedienteak". Horregatik, ziur da operazioak aurrera egiten badu lanari eragingo diola. "Mota honetako operazioek beti ekartzen dituzten neurri traumatikoak, eta hori atsekabetzen dute. Beti dago kapitalaren mugimendu handia, batez ere, inbestitzaileen eta goi-karguen artean, eta gero ondorio negatiboak langileentzat dira", esan du.
Era berean, ez du uste Euskaltelek Euskadin sustraituta jarraituko duenik, eta gehitu du "Arantxa Tapiak ulertzen duen sustraitzea" langile batzordeak ulertzen duenaren oso bestelakoa dela.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.