"Gerra ekonomia" iragarri eta garai gogorrak datozela ziurtatu du Urkulluk
Iñigo Urkullu lehendakariaren ustez, Errusiak Ukraina inbaditu izanak "gerra ekonomia" eragin du, eta ondorioak latzak direla eta izango direla ohartarazi du. Halaber, Jaurlaritzak errefuxiatu ukrainarrentzako Europako laguntzak "osatzeko bideak aztertuko" dituela aurreratu du.
Urkulluk eta Claus Grande Lidlen Espainiako zuzendari nagusiak banatzaile horren plataforma logistiko berriaren aurkezpen ekitaldian parte hartu dute Iruña Okan (Araba) eta hitzaldian Putinek gaur bertan egindako iragarpena azpimarratu du lehendakariak, alegia, produktu eta lehengaien esportazioa 2022ko abenduaren 31ra arte debekatzeko baimena.
Era berean, gaineratu du ekoizpen-kostuak igotzen ari direla energiaren eta lehengaien prezioen igoeragatik, eta enpresak ekoizpena eteten ari direla. Egoera horrek automobilgintzako eta galdaketako sektoreei eragiten die bereziki, baina baita logistari, garraioari, banaketa sektoreari eta elikagaienari ere.
"Eraginkortasun energetikoaren ahalegina areagotzeko unea da hau", esan du Urkulluk, "trantsizio energetikoa malgutzeko erabakiak hartzekoa eta energia alternatiboaren proiektuak, parke eolikoak eta hidrogenoa kasu, martxan jartzeko prozesua bizkortzeko momentua, baita norberaren gaitasunei eta interkonexioei buruz hausnartzekoa ere", nabarmendu du.
Lehendakariaren arabera, larrialdi energetikoko egoera hori beharrezko lehengaiak eskuratzeko ezintasunari gehitzen zaio, hala nola zereala, garia edo ekilore-olioa. Uste du horrek eragina izango duela lehen sektorean eta nazioarteko eta tokiko elikadura-katean.
Zure interesekoa izan daiteke
Medikuek hiriburuetan egindako manifestazioekin eman dute amaitutzat estatutu propioa eskatzeko astebeteko greba
Parte-hartze handia egon dela ziurtatu dute, eta ezohikoa izan arren, zerbait lortzeko grebaren bidea azpimarratu besterik ez dutela egin. Aldaketarik ez badago, grebaren bigarren astea martxoaren 16an hasiko da.
Lehendakariak iragarri du Ayesaren egoitza Donostian egongo dela
Pradalesek adierazi duenez, Eusko Jaurlaritzak eta erosketan parte hartzen ari diren gainerako akziodunek erabakia hartu dute jada. "Ayesa Donostian sortu eta garatu zen, eta bertan jarraitu behar du", esan du.
Etxebizitzen salerosketak % 14,7 hazi ziren iaz EAEn, 2007ko burbuilako markak gaindituz
INE Espainiako Estatistika Institutuak gaur jakinarazi dituen datuen arabera, salerosketen kopuruak bigarren urtez jarraian egin du gora.
Jauregik dio industria bazkide bat aurkitu behar dela, eta horretarako ezinbestekoa dela zorraren arazoa konpontzea
Mikel Jauregi Eusko Jaurlaritzako Industria sailburuak bere elkartasuna adierazi die Tubos Reunidoseko langileei, baina enpresaren egoera oso larria dela nabarmendu du. Gakoa industria bazkide bat aurkitzea dela esan du, eta gaineratu du horretarako ezinbestekoa dela zorraren arazoa konpontzea.
Ayesaren egoitza Donostian egongo da
Imanol Pradales lehendakariak iragarri du Ayesaren egoitza Donostian egongo dela, akziodunek adostu dutenez.
Albiste izango dira: Medikuen greba, Tubos Reunidos eta Maderas de Llodio enpresetako langileen mobilizazioa, eta Eusko Legebiltzarreko kontrol saioa
Orain.eus atarian gaur albiste izango direnen laburpena, bi hitzetan.
Tubos Reunidos eta Maderas de Llodio enpresetako langileak enplegu-erregulazioko espedienteen aurka mobilizatuko dira gaur Araban
Arabako udalerriko San Jose biribilgunetik abiatuko da bi konpainietako enpresa-batzordeek eta SOS Aiaraldea plataformak deitutako mobilizazioa. Aiaraldeko herritarren babesa lortzea espero dute.
Langile talde batek Metal Group erosi eta Legutioko planta salbatu nahi du
Duela aste batzuk, enpresak itxi zuen, bezero nagusiak bere piezak erosteari utzi eta Txinan erostea erabaki ondoren.
Sidenorren otsailaren 10eko erregistroa baliogabetzeko eskatu dio Jainagak Espainiako Auzitegi Nazionalari
Espainiako Polizia Nazionala Basauriko Sidenorren egoitzara sartu zen Israeli altzairua saltzeagatik egindako ikerketari buruzko informazioa biltzeko.
Maderas de Llodioko langileek "justifikaziorik gabe" kaleratutako lankideak lehenbailehen berriz har ditzala eskatu diote Garnicari
150 egun baino gehiago greba mugagabean daramatzaten langileek agerraldia egin dute ostegun honetan, enpresak alegatutako antolakuntza eta ekoizpen arrazoiak ezin frogatuta, 35 langileren kaleratzea legez kanpokotzat jotzen duen EAEko Justizia Auzitegi Nagusiaren epaia baloratzeko. Lan Ikuskaritzarekin eta erakundeekin biltzea eskatuko dutela iragarri dute beharginek, "enpleguaren suntsiketa" gelditzeko beharrezkoak diren mekanismoei buruz hitz egiteko.