Arabak eta Gipuzkoak 114 suhiltzaile plaza eskainiko dituzte
Euskal Herriko Agintaritzaren Aldizkariak bihar argitaratuko du Arabako eta Gipuzkoako foru aldundietako suteak prebenitzeko eta itzaltzeko zerbitzuetan sartzeko hautaketa-prozesu berri baterako deialdia. Araban 46 lanpostu eskainiko dira, eta Gipuzkoan, 68.
Segurtasun Sailak jakinarazi duenez, lehen aldia da Polizia eta Larrialdietako Euskal Akademiak Euskadiko hainbat erakundetan suhiltzaile plazak betetzeko oposizio-lehiaketa bateratua egiten duena, eta, gainera, gehiago ere izan daitezke eskainiko diren lanpostuak, parte hartzen duten erakundeek hala erabakitzen badute.
Izena emateko epea irailaren 7an irekiko da. Lanpostu bat lortu ahal izateko, ezinbestekoa izango da 16 urte beteta izatea eta nahitaezko erretiro adina ez izatea; C + E gidabaimena izatea puntu guztiekin, eta hizkuntza eskakizunarekin eta hezkuntza titulazioarekin lotutako baldintzak betetzea (Derrigorrezko Bigarren Hezkuntzako titulua, Eskola graduatua, edo Lehen Mailako Lanbide Heziketa edo titulazio baliokidea).
Gainera, izangaiek ezingo dute osasun bazterketen taulan jasotzen diren gaixotasunetako bat ere izan.
Hiru motatako probak gainditu beharko dituzte: ezagutza probak (test motako 2 ariketa), psikoteknikoak (arrazoitzeko gaitasunak, gaitasun mekanikoak, espazialak, hitzezkoak eta nortasuna ebaluatzekoak) eta gaitasun fisikokoak. Denak izango dira nahitaezkoak eta baztertzaileak.
LEP hau gainditzen duten baina plazarik lortzen ez duten horiek Polizia eta Larrialdietako Euskal Akademiaren aldi baterako lan poltsan sartuko dira, deialdia osatzen duten erakundeetako suteak prebenitzeko eta itzaltzeko euskal zerbitzuetan lanpostu hutsak eta ordezkapenak betetzeko.
Albiste gehiago ekonomia
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.
Jaurlaritzak hamarren bat igo ditu hazkunde-aurreikuspenak: % 2,2koa izango da aurten, eta % 1,9koa 2026an
Mikel Torres lehendakariorde eta Ekonomia, Lan eta Enplegu sailburuak adierazi duenez, Euskadik "ekonomia indartsua du, etorkizuneko erronkei aurre egiteko prest dago, eta nazioarteko edozein ziurgabetasunen aurrean egokitzeko gaitasuna du". Hazkunde horren gakoa barne-eskaria izango da.
Gipuzkoako erreferentziazko prezioen indizea argitaratu dute, asteazkenetik aurrera alokairuak mugatzeko
Donostian, Irunen, Errenterian, Lasarte-Orian eta Zumaian izango du eragina. Hileko errenta zehazteko, hainbat datu sartu beharko dira, hala nola katastroko erreferentzia eta higiezinaren helbidea, energia-ziurtagiria, planta eta kontserbazio-egoera. Horrela, higiezin horri aplikatu beharreko alokairu-prezioen tarte objektibo bat lortuko da.
BBVAk iragarri du azaroan akzio bakoitzeko 0,32 euroko dibidendua emango duela
Erakundearen "historiako dibidendu altuena" da, eta akzioen trukean parte hartuko duten Sabadell bankuko akziodunek ere jasoko dutela ziurtatu du bankuak.
Maderas de Llodioko langileek salatu dute erakundeek jarrera pasiboa dutela enplegu-erregulazioko espedientearen aurrean
Langileen batzordeak adierazi duenez, ekoizpenaren % 40 Laudiotik kanpo eramango lukete, eta horrek eskualdearen etorkizun ekonomikoa arriskuan jarriko luke.
Sentsore kuantikoak garatzeko eta ekoizteko laborategia jarri du martxan Tecnaliak Zamudion
Bost milioi euroko inbertsioa izan du eta aitzindaria izango da Europan, sentsore kuantiko horiek aurrerapen handiak ekarriko baitituzte industriarako material berriak sortzeko, mugikortasuna errazteko, eta, osasun arloan, minbiziak garaiz detektatzeko.
ELAk, LABek, Steilasek, ESKk, Etxaldek eta Hiruk Confebask demandatu egingo dute, gutxieneko soldata propioa negoziatu ezean
Kontziliazio eskaera bat erregistratu dute, "patronala negoziatzera behartzeko", EAErako gutxieneko soldataren inguruan, eta gatazkan bitartekari gisa aritzeko eskatu diote Eusko Jaurlaritzari.
Hego Euskal Herriko biztanleen erdiak baino gehiago etxebizitza-eremu tentsionatuetan bizi dira
EAEn, Gasteiz gehituta, ehunekoa % 47,7koa da, eta Nafarroan, berriz, % 70ekoa.
Euskal psikologo klinikoek salatu dute Osakidetzak espezialistak ez diren psikologoak kontratatzeak legea urratzen duela
Diotenez, Osakidetzan osasun mentaleko baliabideak zabaltzeko beharra "agerikoa da", baina "ezin da edozein modutan egin".