Turismo jasangarria aldarrikatuta, Donostian tasa turistikoa ezartzearen alde egin du EH Bilduk
Donostiako EH Bilduk adierazi du turismo-eredua birplanteatzeko unea iritsi dela eta berretsi egin du Gipuzkoako hiriburuan tasa turistikoa ezartzearen alde dagoela, baina, aldi berean, azpimarratu beste hainbat neurri hartzea ezinbestekoa dela.
Eustatek turismoari buruz gaur publikatutako datuen arabera, uztailean Donostian izan diren bisitarien kopuruak % 22,8 igoera izan du, 2019arekin alderatuta.
Koalizio soberanistaren iritzian, "Eneko Goiaren gobernu taldeak ezarritako turismo-ereduak porrot egin du" eta "180 graduko norabide aldaketa" premiazkoa da. "Neurri zehatzak behar dira, anbiziokoak, une honetan Donostia dagoen lekutik igaro diren beste hiriek izandako esperientziatik ikasiz", azpimarratu du ohar batean.
EH Bilduk uste du ez dagoela hiririk "urteko % 10 eta % 20 arteko igoera iraunkorra jasan dezakeenik", eta, ildo horretan, ohartarazi du joera hazten jarraitzea dela, "datozen hilabete eta urteetan milaka turismo-plaza gehiago irekiko baitira Donostian".
Turisten sarreraren "hazkunde mugagabea" aukera bat ez dela nabarmenduta, Donostiako Turismo Plan Zuzentzailea eguneratzeari buruzko eztabaida "orain arte gaizki egin dena zuzentzeko" baliatzeko deia egin die EH Bilduk alkateari eta gainerako taldeei.
Gauzak horrela, koalizioak tasa turistikoa ezartzearen alde dagoela berretsi du, baina ezarpena progresiboa izan behar dela adierazi du, "gehien duenak gehiago emateko" eta, beraz, establezimenduaren "izarrengatik" kobratu beharko litzatekeela.
Bildutako diruari dagokionez, "turisten sarrera neurrigabe horrek eragiten duen zerbitzu publikoen (zaborrak, mantentze-lanak, udaltzaingoa, garbiketa...) kostuaren igoera ordaintzeko" eta "turismo-eredu jasangarria eraikitzeko" baliatu beharko litzatekeela uste du EH Bilduk, "eta ez ad infinitum hiriko turismoa sustatzen jarraitzeko".
"Egun hauetan alkateak egindako turismo tasaren defentsa erretorikoa antzua izango da neurri zehatzekin lagunduta ez badator", erantsi du.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.