Azpiazu ziur agertu da Euskadin ez dela atzeraldi ekonomikorik izango, "sendo baitago"
Ziurgabetasun ekonomikoaren erdian, Euskadik baditu baikor egoteko arrazoiak, hazkunde ekonomikoari begira. Hala esan du Pedro Azpiazu Eusko Jaurlaritzako Ekonomia eta Ogasuneko sailburuak, Radio Euskadin egin dioten elkarrizketan. Horren hitzetan, "Euskadi sendo dago" eta "atzeraldirik ez da izango", "etorkizuna idatzi gabe" dagoela aitortu badu ere.
Abuztura arteko datuak aztertuta, 2022. urteko hazkunde ekonomikoa % 4 ingurukoa izatea aurreikusten du Jaurlaritzak. "2023a beste kontu bat izango da", zehaztu du. Izan ere, datorren urterako ere, % 4tik gorako hazkunde aurreikuspena egina zuen Azpiazuren sailak, baina "jakin badakigu baxuagoa" izango dela, "inguruko ekonomiak eragin zuzena baitu gugan". Halere, 2023ko hazkundea % 2aren gainetik egongo dela azaldu du sailburuak.
Ingurumari horretan murgilduta egokituko zaio aurten Jaurlaritzari datorren urteko aurrekontuak prestatzea eta aurrera ateratzea. Proposamenaren lanketan buru-belarri ari da Azpiazuren lantaldea, eta, zalantzarik gabe, inflazioaren gorakadak eragin nabarmena izango du diruaren banaketan. Inbertsioen atalean "ahalegin garrantzitsua" egingo dutela azaldu du Ekonomia arduradunak, eta, besteak beste, parez pare duten "erronka demografikoari aurre" egiteko eta "gure eskumenak" finantzatzeko neurriak hartzearen beharra aipatu du. "Joko arauak errespetatuz, oreka eta jasangarritasuna bilatuko ditugu", gehitu du.
Prestatuko duten proiektua Eusko Legebiltzarreko talde guztiekin partekatuko dutela eta ekarpenak negoziatzeko prest daudela adierazi arren, azpimarratu du herritarrak lasai egon daitezkeela, "gehiengoa dugulako eta Euskadik aurrekontuak izango dituelako 2023an".
Errenten ituna ere izan du hizpide Azpiazuk. Inflazioa goia jota dagoen honetan, eragile sozialak eta ekonomikoak adostasun batera iristea ezinbestekoa iritzi dio. Zentzu horretan, Eusko Jaurlaritzak arlo horretan duen "jarduteko gaitasuna oso mugatua" dela esan du.
Azkenik, Yolanda Diaz Espainiako Gobernuko presidenteordeak eta Enplegu ministroak inflazioari aurre egin asmoz oinarrizko elikagaien prezioa mugatzeko egin duen proposamena "oso arriskutsua" dela uste du, eta ekimenari desabantaila gehiago ikusten dizkio abantailak baino.
Albiste gehiago ekonomia
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.