Lan Ikuskaritzak Glovoko 10.600 langileren egoera erregularizatuko du Estatuan
Yolanda Diaz Espainiako Gobernuko bigarren presidenteorde eta Lan eta Gizarte Ekonomiako ministroak asteazken honetan adierazi duenez, Glovo enpresako 10.600 langileren egoera erregularizatuko du Lan Ikuskaritzak, langileen lan eskubideak urratzen dituela hauteman ostean.
Halaber, ia 79 milioi euroko isuna jarri dio enpresari.
"Autonomo faltsuen jarduera baten aurrean gaude, eta legearen pisua enpresaren gain eroriko da, Lan Ikuskaritzarekin erori den bezala", ohartarazi du bigarren presidenteordeak.
Diazek Lan Ikuskaritzaren lana "oztopatzea" leporatu dio Glovori, eta hori "oso larria" dela adierazi du Zuzenbideko Estatu sozial eta demokratiko batean, enpresak "legea betetzera behartuta" baitaude.
'Rider Legea'-rekin "zerikusirik ez", Glovoren ustez
Glovok zehaztu duenez, Lan Ikuskaritzaren 79 milioi euroko isuna ez dago 'Rider Legea'-rekin lotuta, ikertutako epea 2018tik 2021eko abuztuaren 11ra bitartekoa baita, legea indarrean sartu bezpera artekoa, beraz.
Enpresak gaineratu du, jakinarazitako zenbatekoak Gizarte Segurantzako kuoten proposamenak ez ezik, banatzaile bakoitzeko zehapen-proposamen bat ere jasotzen du.
Halaber, nabarmendu dute aztertutako epealdian, Glovok bere frogak, hausnarketak eta balorazioak aurkeztea eta zabaltzea eskaini zuen, baita dokumentazioa ere, baina, Lan Ikuskaritzak baztertu egin zuen eta akta aurkeztu den unera atzeratu.
"Aldebakarreko erabakia da, Ikuskaritzaren proposamena jasotzen duena. Horren aurrean, enpresak bere helegiteak aurkeztu beharko ditu, eta Justiziaren eremuan ofiziozko prozedimendu bat izapidetu ondoren, aztertu egongo dira, likidazio edo/eta hutsegite akta bat proposatzeko gero", esan dute konpainiatik.
Albiste gehiago ekonomia
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan karga handiegia zutela, LAB sindikatuko Jesica Gondraren hitzetan. Adierazi duenez, zuzendaritzak urte biko epean ez du ezer egin baieztatu. Sindikatuen ustez, zuzendaritzak egoera baliatu nahi du langileen irudia zikintzeko, Gernikako larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.
Eusko Jaurlaritzak "ezohiko" gutxieneko zerbitzuak ezarri dizkio Gasteizko lorezainen grebari
Horiek finkatzerakoan, Ekonomia, Lan eta Enplegu Sailak Gasteizko Udaltzaingoaren eta suhiltzaileen bi txosten hartu ditu kontuan, "berdegune batzuen eta hiri-bide batzuen egungo egoeraren arriskuaz ohartarazten dutenak".