Eskubide Sozialen Kartak azaroaren 19an "bizitzaren garestitzearen aurka" mobilizatzeko deia egin du
Euskal Herriko Eskubide Sozialen Kartak azaroaren 19an Hegoaldeko hiriburuetan "pobretze eta bizitzaren garestitze prozesuaren aurka" manifestatzeko deia egin du.
Euskal Herriko Eskubide Sozialen Karta osatzen duten eragile eta sindikatuek agerraldia egin dute Donostian, Pobreziaren aurkako Nazioarteko Egunarekin bat eginez, "Pobretzeari Stop! Bizi-baldintza duinak eta prezioen kontrola orain!" lelopean.
Egungo egoera "jasanezina" dela eta, "inflazioaren gorakadarekin dagoeneko pairatzen ditugun egiturazko arazoak okertzen" ari direla salatu ostean, "zerbitzu publikoen murrizketei eta langileriaren pobretzeari, oro har, aurre egiteko" deia egin dute.
Euskal Herriko Eskubide Sozialen Kartatik "1.400 euroko gutxieneko soldata eta 1.260 euroko gutxieneko pentsioa", eskatu dute, "langileen lana duintzeko, biak ala biak benetako KPIarekin lotzeko".
Gainera, "energia eskubidea eta sektorearen publifikazioa eta produktu energetiko guztien kontrola" aldarrikatu dute, baita "trantsizio energetikoa demokratikoki planifikatzeko ibilbide-orria" ere.
Era berean, "zerbitzu publikoen defentsa, aberastasunaren bidezko banaketarako erreforma fiskala eta oinarrizko eskubide eta beharrak (elikadura, etxebizitza, pertsona guztien erregularizazioa edo garraio publikoa) bermatzeko hainbat proposamen", aldarrikatu dituzte.
Azaroaren 19ko manifestazioak 12:00etan abiatuko dira Artiumetik Gasteizen, eta 17:30ean Iruñeko Baluartetik, Donostiako Boulevard Zumarditik eta Bilboko Jesusen Bihotzetik.
Horrez gain, ostegunean zerbitzu publikoen aldeko propaganda banatuko da, eta urriaren 26an energiari buruzko konferentzia egingo da Gasteizen.
Urriaren 27an, Bilbon eta Iruñean, tokiko produktuak bilduko dituen azoka bat egingo da, elikagaien subiranotasuna aldarrikatuz, eta azaroaren 3an, Donostian, "etxebizitza eskubidearen aldeko eta turistifikazioaren aurkako ekimena" egingo da.
Bestalde, azaroaren 10ean "diru-sarrera duinen aldeko" ekimenak izango dira. Euskal Herriko Eskubide Sozialen Kartak "herri honetan inor atzean gera ez dadin borrokatzeko" konpromisoa hartu du, eta "langile guztiei eta herri sektoreei deialdi horiekin bat egiteko" deia egin die.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.