Jaurlaritza ITP Aeroren akziodun izango da, eta enpresa EAEtik ateratzea galarazteko gaitasuna izango du
Eusko Jaurlaritza ITP Aeroren akziodun izango da % 6ko parte-hartzearekin. Euskal Finantzen Institutuak kudeatzen duen Finkatuz Funtsaren bidez egin dute operazioa, eta Gasteizko Gobernuak ohar batean adierazi du helburu nagusia konpainia aeronautikoak EAEn duen "industria proiektuari eustea" izan dela.
EITB Mediak jakin duenez, Jaurlaritzak beto gaitasuna izango du, adibidez enpresa EAEtik ateratzea galarazteko.
Itxitako akordioaren arabera, Jaurlaritzak bere partaidetza bermatu du ITP Aeroren Administrazio Kontseiluan. Gasteizko Gobernuaren hitzetan, "Europa mailan aeronautikaren sektorean erreferentea den enpresetako baten akziodun izateko eta Administrazio Kontseiluan egoteko aukera aprobetxatu nahi da", enpresa hemen errotzea lehenetsiko duen "industria proiektu bat sustatuz" eta "enplegua sortzea bultzatuz".
Jaurlaritzaren hitzetan, ITP Aerok abian jarritako hazkunde planaren aldeko apustua egin du, eta ziurtatu dute teknologia berriak eta ikerketa eta garapena erdigunean jarriko dituen egitasmo "handinahi" bat dela: "ITP Aeroren Hazkunde Plan Berria abian jartzen lagundu nahi da. Plan hori inbertsio plan handinahi batean oinarritzen da, eta teknologia berrien eta I+Gren aldeko apustua egiten du. Horrez gain, mugikortasun berdean aeronautikako lidergoa bilatzen du".
Halaber, operazio horrekin elkarlanari atea zabaldu nahi diotela ere gaineratu dute oharrean, "negozio eta proiektu berriei" bide emanez, bereziki, aeronautikaren sektorean aritzen diren enpresa txikiei.
Zamudion egoitza duen enpresaren akziodun nagusia Bain Capital inbertsio funts estatubatuarra da, Rolls Royce taldeari 1.700 milioi euroren truke erosi ondoren.
Berria zabaldu eta gutxira, Eusko Legebiltzarreko pasilloetan egin dituen adierazpenetan, Arantza Tapia Ekonomiaren Garapen, Jasangarritasun eta Ingurumeneko sailburuak adierazi du "operazio oso garrantzitsua" dela, ITP Aero "herri honetan enpresa estrategikoa" delako, eta epe luzerako proiektuak dituelako. Ez du argitu Jaurlaritzak zenbat diru bideratu duen akzioak erostera.
Tapiaren hitzetan, konpainia aeronautikoak EAEn "errotuta jarraitzea" eta "ikerketa eta garapenean haztea" dira emandako urratsaren helburuak.
Finkatuz Funtsaren bidez Jaurlaritzak azken hiruhileko honetan burutu duen bigarren operazioa da honakoa. Irailean, CAF enpresaren % 3 eskuratu zuen, 17 milioi euroko balioarekin.
Zure interesekoa izan daiteke
Urrian langabezia-tasa % 0,60 igo da EAEn eta % 2,04 Nafarroan, irailarekin alderatuta
2024ko urriko datuen aldean, ordea, 888 langabe gutxiago (% 0,82) daude EAEn, eta 1.129 gutxiago (% 3,75) Nafarroan. Bestalde, irailetik urrira, afiliazioa % 1,32 hazi da EAEn eta % 0,89 Nafarroan.
Petronorreko gatazkak bere horretan dirau: langileek ez dute akordioa onartu eta greba mugagabean jarraitzen dute
Langileen % 80k zuzendaritzaren eta gehiengo sindikalaren artean lortutako itunaren aurka bozkatu dute, eta, beraz, "aldageletako gerra" deritzona auzitegietan argituko da. Petronorrek geldirik jarraitzen du duela hilabete eta erditik.
Sindikatuek manifestazioa egingo dute Bilbon hilaren 12an “gutxieneko soldataren alde”
Udan Legebiltzarrean aurkeztu zuten legegintzarako herri-ekimenaren aurka agertu zen Eusko Jaurlaritza. Sindikatuen ustez, eztabaida “gutxieneko demokratikoa” da eta, beraz, protesta egingo dute Jaurlaritzaren, EAJren eta PSE-EEren egoitzen aurrean.
Ekonomia, Lan eta Enplegu Sailak % 3,3ko igoera aurkeztu du 2026ko aurrekontuetan
Aurrekontu horien ardatza, batez ere, enplegu-politika aktiboak indartzea izango da; zehazki, prestakuntza, kontratazioa eta kolektibo kalteberen laguntza sustatzea.
Aurreikuspenen arabera, Euskadiko hidrogeno-korridorea egiteko 50 udalerritan zehar 163 kilometro hodi ezarriko dira
Euskadiko sarea bi zatitan banatuko da. Enagasek diseinatutako proiektuaren arabera, lanak 2028an hasi eta 2030ean amaituko dira, eta 400 milioi euroko inbertsioa ekarriko dute.
Aurrekontuen negoziazioan "maila emateko" eskatu die D'Anjouk EH Bilduri, PPri eta Sumarri
EAEko aurrekontuak adosteko negoziazioan "interes alderdikoiak" alde batera uzteko eskatu dio Ogasun eta Finantza sailburuak oposizioari.
Astelehen honetan hasiko dira sailburuak beren sailetako aurrekontuak Legebiltzarrean aurkezten
2026ko aurrekontuen egutegiaren arabera, osoko zuzenketen bilkura datorren abenduaren 9an egingo dute, eta Ogasun eta Aurrekontu Batzordeak landutako irizpena eztabaidatzeko osoko bilkura, abenduaren 23an.
Kamioilari bat zauritu da Taxoaren, deskargatzen ari zen metalezko fardel bat gainera erorita
59 urteko gizona Nafarroako Unibertsitate Ospitalera eraman dute, pronostiko erreserbatuko kolpe ugarirekin. Larunbat honetan, lanean ari zela gertatu da istripua.
MasOrange osoa eskuratzeko akordio ez-loteslea iragarri du Orangek
Operazioa urte honen amaieran egitea aurreikusten du. Horrela, Euskaltel, MasOrangen integratuta dagoena, enpresa frantsesaren eskuetara igaroko da.
Dozenaka kamioik trafikoa oztopatu dute Iruñean, baldintza hobeak aldarrikatzeko
Tradisna elkarteak hilabeteak daramatza "fiskalitate justua", garraio astunari bidesarien kobrantza etetea edota azpiegiturak hobetzea aldarrikatzen.