Langile bat hil da N-121-A errepidean, Donezteben, makina zapalgailu batek harrapatuta
Langile bat hil da N-121-A errepideko lanetan, Donezteben (Nafarroa), SOS Nafarroak jakitera eman duenez. LAB sindikatuak zehaztu duenez, errepidea asfaltatzeko lanetan ari zela, makina zapalgailu batek harrapatu du.
Sindikatu abertzaleak salatu duenez, dagoeneko 67 dira aurten Euskal Herrian lan istripuz hildakoak.
Nafarroako komunikabideen arabera, langileak 42 urte zituen, eta Barañaingo bizilaguna zen. Ezbeharra 13:30 aldera gertatu da, Kontxako zerbitzugunetik gertu.
Bertako mediku taldea, Oronozko suhiltzaileak eta Foruzaingoaren patruilak bertaratu dira, eta ikerketaren ardura hartu dute.
Heriotzaren ostean lanek aurrera jarraitu izana gaitzetsi ostean, LAB sindikatuak "kapitalismoak eragindako beste lan heriotza bat" deitoratu du.
"Obretako arriskuek koordinatzailearen eta prebentzio-baliabidearen figura arautua eskatzen dute. Horrela, langile bat ezin da inoiz arrabol batera edo edozein gailu mugikorretara hurbildu, horretarako daude eskuragarri figura horiek, eta ezarritako lan osasuneko protokoloak", adierazi du sindikatuak ohar batean.
Ildo horretan, azpimarratu duenez, "araudiak dio patronalak bermatu behar duela, beste ezeren gainetik, lan osasuneko sistema integralaren inplementazioa eta bermeak. Zer esan promotorea Nafarroako Gobernua bera denean. Jakina, ez dira beharrezko neurriak hartu".
ELAk adierazi du patronalak eta Nafarroako Gobernuak erantzukizuna dutela laneko ezbehar-tasaren igoeran. Sindikatu abertzaleak babes osoa eskaini die biktimaren lankideei eta gertukoei, eta gertatutakoa argitzeko ikerketa sakona egitea, eta erantzukizunak argitzea eskatu du, ohar batean adierazi duenez.
Urtea amaitzeko hilabete eta erdi falta den honetan, 2022an, 18 pertsona hil dira lan istripuz Nafarroan. Altuera handietatik erorikoak, harrapaketak, kolpeak eta itotzeak dira heriotza horien arrazoi nagusiak, gehienak "erabateko prekarietate egoeretan eta enpresaburuak ezarri beharreko oinarrizko neurriekin erraz saihets daitezkeenetan".
ELAren iritziz, laneko ezbehar-tasa geldiaraztea, erantzukizun kontua izateaz gain, borondate kontua ere bada, eta "zoritxarrez, ez patronalak, ez Gobernuak ez dute benetako borondaterik erakusten egoera iraultzeko".
Horregatik, ELAk dei egiten die langileei horretaz jabetzeko eta lan ezbeharren aurrean mobilizatzeko, hiru astetik behin pertsona baten bizitza aurretik eramaten baitute Nafarroan.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.